موڭعوليا پرەزيدەنتى: پارلامەنت تاراماسا، اشتىق جاريالايمىن

استانا. قازاقپارات - موڭعوليا پرەزيدەنتى حالتمااگيين باتتۋلگا ەگەر ۇلى حالىق حۋرالى (پارلامەنت) ءوز- ءوزىن تاراتۋ تۋرالى شەشىم قابىلداماسا، اشتىق جاريالايتىنىن جانە ءبىر ورىندا وتىرىپ ەرەۋىل جاسايتىنىن مالىمدەدى.

بۇل جونىندە Bloomberg اگەنتتىگى موڭعوليا تەلەارناسىنا سىلتەمە جاساپ، حابارلايدى.

حالتمااگيين باتتۋلگا پارلامەنتتى ەكونوميكالىق داعدارىستارعا توتەپ بەرە الماي كەلەدى دەپ سىنادى. موڭعوليا پرەزيدەنتى حالىقارالىق ۆاليۋتا قورىنان كومەك سۇراعان، ءبىراق ۇكىمەت ەشقانداي قولداۋ كورسەتپەدى.

Bloomberg باتتۋلگانىڭ بۇل ارەكەتىن 2020 -جىلى ءوتۋى ءتيىس پارلامەنت سايلاۋى الدىنداعى ساياسي ءجۇرىس دەپ ەسەپتەيدى. ول باسقاراتىن دەموكراتيالىق پارتيا پارلامەنتتەن كوپ ورىن الۋدى كوزدەيدى. پارتيا قازىر ۇلى حالىق حۋرالىندا 25 پايىز مانداتقا يە. قالعان ماندات موڭعوليا حالىقتىق پارتياسىنىڭ قولىندا. جەرگىلىكتى ساراپشىلار پرەزيدەنت ءوز اكىمشىلىگىنىڭ قۇزىرەتىن دە كەڭەيتكىسى كەلەتىنىن ايتادى.

29 - قازاندا باتتۋلگا پارلامەنتكە مەرزىمىنەن بۇرىن ءوز- ءوزىن تاراتۋ جونىندە حات جولداعان. حاتتا پارلامەنت 2016 -جىلعى سايلاۋ كەزىندەگى ۋادەسىن ورىنداماي، زاڭ بۇزعانى ايتىلعان.

www.azattyq.org