سەرىك قوناقبايەۆ ا ي ب ا پرەزيدەنتىگىنە رەسمي تۇردە ۇمىتكەر اتاندى
بۇل تۋرالى ق ر ۇلتتىق وليمپيادالىق كوميتەتتىڭ باسپا ءسوز قىزمەتى ءمالىم ەتتى.
ءوز كەزەگىندە س. قوناقبايەۆ: «CAS پەن بۇل ىسكە قاتىسۋشىلارعا مەنىڭ شاعىمىم بويىنشا ءادىل شەشىم شىعارعانى ءۇشىن العىس ايتامىن. ءبىز كەلتىرگەن دالەلدەردى CAS- ءتىڭ وڭ قابىلداعانىنا ريزامىن. مەن ءۇشىن ايبا پرەزيدەنتتىگىنە ۇمىتكەر اتانۋ ۇلكەن قۇرمەت. ەندى باسشىلىقتى مىندەتتى تۇردە قولعا الىپ، ءبىزدىڭ ۇيىمىمىز بەن سپورتىمىزدى ۇلتتىق فەدەراتسيالارمەن بىرلەسە وتىرىپ قايتا جانداندىراتىن مۇمكىندىگىمىز بار»، - دەدى.
«ماعان پرەزيدەنتتىككە ۇمىتكەر اتانۋعا مۇمكىندىك بەردى. ءارى قاراي پرەزيديۋمدى ۇتىپ الۋ ءۇشىن بار كۇشىمدى سالامىن. مۇنى ءوزىم ءۇشىن ەمەس، ءبىزدىڭ بوكسشىلاردىڭ قۇقىعىن، ولاردىڭ وليمپياداداعى ارمانى مەن ءۇمىتىن قورعاۋ ءۇشىن ىستەگىم كەلەدى. بۇل مىندەتكە ۇلكەن جاۋاپكەرشىلىكپەن قاراي وتىرىپ، 3- قاراشا كۇنى ماسكەۋدە وتەتىن سايلاۋدى اسىعا كۇتەمىن. ا ي ب ا- نىڭ جارقىن بولاشاعى ءۇشىن قاۋىمداستىقتىڭ بارلىق مۇشەلەرىنەن مەنىڭ كانديداتۋرامدى قولداۋدى وتىنەمىن»، - دەيدى ول.
ەستەرىڭىزگە سالا كەتەيىك، وسىعان دەيىن سپورتتىق اربيتراجدىق سوت سەرىك قوناقبايەۆتى قولداعانى تۋرالى جازعان بولاتىنبىز.
اۆتور: كۇنسۇلتان وتارباي
