قازاقستاندا قىزىل كرەست وكىلدىگىن اشۋ ماسەلەسى اياقتالۋعا جاقىن -س ءى م

استانا. قازاقپارات - ق ر سىرتقى ىستەر ءمينيسترى قايرات ءابدىراحمانوۆ حالىقارالىق قىزىل كرەست كوميتەتىنىڭ (ح ق ك ك) ۆيتسە-پرەزيدەنتى جيل كاربونەنى قابىلدادى، دەپ حابارلايدى قازاقپارات.

قازاقستاننىڭ سىرتقى ساياسات ۆەدومستۆوسىنان ءمالىم ەتكەندەي، جيل كاربونە استاناعا ح ق ك ك پرەزيدەنتى پەتەر ماۋرەردىڭ «يادرولىق قارۋ: جاھاندىق اپاتتىڭ الدىن الۋ» اتتى ۇندەۋىن قازاقستان باسشىلىعىنا تاپسىرۋ ءۇشىن ارنايى كەلگەن.

قىزىل كرەستىڭ وكىلى پرەزيدەنت نۇرسۇلتان نازاربايەۆتىڭ يادرولىق قارۋسىزدانۋداعى ءرولىن جانە ءبىرقاتار داعدارىستىق جاعدايلاردى رەتتەۋدەگى ەلىمىزدىڭ دانەركەشى ارەكەتىن جوعارى باعالادى.

تاراپتار قازاقستاننىڭ قىزىل كرەستپەن ىنتىماقتاستىعىن، سيرياداعى جاعدايدى رەتتەۋدەگى استانا پروتسەسىنىڭ ۇلەسىن، اۋعانستانعا گۋمانيتارلىق كومەك، قاقتىعىس ايماقتارىنداعى ح ق ك ك- نىڭ دانەكەرشى قىزمەتىن جانە ەلىمىزدىڭ ب ۇ ۇ قاۋىپسىزدىك كەڭەسىنىڭ قۇرامىنداعى جۇمىس تاجىريبەسىن ەسكەرە وتىرىپ، بولاشاق ءوزارا ىنتىماقتاستىقتىڭ ماسەلەلەرىن تالقىلادى.

ق. ءابدىراحمانوۆ ەلباسىنىڭ جاقىنداعى باستاماسى - ۇزدىك ەلدەر اراسىنداعى ەكونوميكالىق، ساياسي قارسىلاستىقتاردىڭ احۋالدى ماسەلەلەرىن شەشۋ ماقساتىندا قىتاي، ا ق ش، رەسەي، جانە ەۋروپا وداعى اراسىنداعى ديالوگتى جاقسارتۋ ءۇشىن ب ۇ ۇ- نىڭ ارنايى سەسسياسى فورماتىنداعى كەزەدەسۋدى استانادا وتكىزۋگە بولاتىندىعىن اتاپ ءوتتى.

بۇنداي ديالوگ سانكتسيالىق جانە ساۋدا قارسىلاستىعىن جويۋدى، سەنىم ورناتۋ، تۇراقتى دامۋدى قامتاماسىز ەتۋ، كەدەيشىلىكتى جويۋ، دامىپ كەلە جاتقان الەمگە قولعابىس كورسەتۋ ماقساتىندا تەرروريزمگە جانە باسقا دا زاماناۋي تەگەۋرىندى تالاپتار مەن قاتەرلەرگە قارسى كۇرەستى كوزدەيدى.

ق. ءابدىراحمانوۆ قازاقستانداعى قىزىل كرەست وكىلدىگىن اشۋ تۋرالى ق ر ۇكىمەتى مەن ح ق ك ك اراسىنداعى كەلىسىمدى راتيفيكاتسيالاۋ ءۇردىسىنىڭ اياقتالۋ ۇستىندە ەكەندىگىن حابارلادى.

ءوز كەزەگىندە ح ق ك ك ۆيتسە-پرەزيدەنتى سىرتقى ىستەر مينيسترلىگىنە قازاقستانداعى كوميتەت جۇمىسىنا قولداۋ كورسەتەتىندىگىنە العىس ءبىلدىردى. سونىمەن قاتار، ۇلتتىق جانە وڭىرلىك دەڭگەيلەردە، سونىڭ ىشىندە اۋعانستاندا بىرلەسكەن جوبالاردى ىسكە اسىرۋدا، قازاقستاندىق بىتىمگەرشىلەردى دايىنداۋدا، قۇقىق قورعاۋ ورگاندارىنىڭ قىزمەتكەرلەرىن وقىتۋدا ءوزارا ىنتىماقتاستىقتى كەڭەيتۋگە دايىن ەكەندىگىن اتاپ ءوتتى.

ج. كاربونەنىڭ استاناعا ساپارى بارىسىندا ق ر سىرتقى ىستەر مينيسترلىگى، حالىقارالىق قىزىل كرەست كوميتەتى جانە قازاقستانداعى شۆەيتساريا كونفەدەراتسياسىنىڭ ەلشىلىگى بىرلەسىپ العاش رەت ق ر قازاق تىلىنە اۋدارىلعان 1949-جىلعى جەنيەۆا كونۆەنتسيالارىن جانە وعان قوسىمشا حاتتامالاردىڭ تۇساۋكەسەرىن وتكىزدى.