بۋرابايدا زاماناۋي سپورت الاڭى اشىلدى

كوكشەتاۋ. قازاقپارات - بۋراباي كەنتىندە زاماناۋي امبەباپ سپورت جانە بالالار الاڭى اشىلدى، دەپ حابارلايدى قازاقپارات ءتىلشىسى.

اقمولا وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، ساكەن سەيفۋللين اتىنداعى مەكتەپتىڭ جانىنا اشىلعان كەشەننىڭ اۋماعى - 1280 شارشى مەتر. ويىن الاڭدارى جاساندى جامىلعىمەن، بالالار جانە جاتتىعۋ اۋماقتارى قاۋىپسىز رەزەڭكە جامىلعىسىمەن (تارتان) جابدىقتالعان.

شاراعا بۋراباي اۋدانىنىڭ اكىمى قانات قاراۋىلوۆ قاتىسىپ، قۇتتىقتاۋ ءسوزىن سويلەدى. اۋدان باسشىسى وسى قۇرىلىسقا اتسالىسقان «Samruk-KazynaTrust»  الەۋمەتتىك جوبالاردى دامىتۋ قورىنىڭ ۇجىمىنا شىنايى العىسىن ءبىلدىردى. اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى اسەت بۇكىبايەۆ اۋىل بالالارىنا سپورتتىڭ كەز كەلگەن تۇرىمەن اينالىسۋ مۇمكىندىگى تۋىپ وتىرعانىن اتاپ ءوتتى.

«سپورت الاڭىنىڭ اشىلۋى وڭىردە سپورت سالاسىنىڭ دامۋىنا زور سەپتىگىن تيگىزەدى»، - دەدى ءا. بۇكىبايەۆ.

سونىمەن قاتار، شاراعا «سامۇرىق-قازىنا» ا ق بۋراباي اۋداندىق پوشتا بايلانىسى جەلىسىنىڭ باسشىسى دارحان قازكەيەۆ تە قاتىسىپ، جىلى لەبىزىن ءبىلدىردى.

ال، «وقجەتپەس» ف ك قاقپاشىسى ياروسلاۆ باگينسكي مەن ورتالىق قورعاۋشى، شابۋىلشى نيكيتا بوجەنوۆ وقۋشىلارعا شەبەرلىك سىنىبىن وتكىزىپ، قولتاڭباسى قويىلعان دوپتى سىيعا تارتتى.

ايتا كەتەيىك، امبەباپ سپورت الاڭدارىنىڭ قۇرىلىسى «Samruk-KazynaTrust»  الەۋمەتتىك جوبالاردى دامىتۋ قورى ارقىلى جۇزەگە اسىرىلۋدا.

اتالمىش باعدارلاما اياسىندا ستەپنوگور، ەسىل قالالارىمەن بىرگە سەلينوگراد اۋدانىنىڭ قاجىمۇقان اۋىلىندا دا وسىنداي 3 كەشەن اشىلدى.