الماتىداعى قانقۇيلى قىلمىستىڭ كۋاگەرلەرى شەتەلدە جاسىرىنىپ جۇرگەن
سوتتا ق ر ق ك 434-بابى بويىنشا قىلمىس جاسادى دەگەن ايىپپەن ج. س. جانە د. ا. قاتىستى قىلمىستىق ءىس قارالدى.
سوت مالىمەتىنشە، 2017-جىلدىڭ 9-تامىزىندا گورنايا كوشەسى بويىندا م. ا. جانە ج. ب. سوزگە كەلىپ قالادى. ارتىنان ەكەۋىنىڭ اراسىندا توبەلەس باستالادى. جانجال كەزىندە م. ا. ج. ب- نى يتەرىپ جىبەرەدى، اناۋ جەرگە قۇلاپ، م. ا- نى بالاعاتتايدى. كۇتپەگەن جەردەن م. ا. شالبارىنىڭ بەلدىگىندە تۇرعان تاپانشانى شىعارىپ، ج. ب- عا سەگىز رەت وق اتادى.
اتىلعان وق جاراقاتىنان ج. ب. سول جەردە كوز جۇمادى. ال ج. س. جانە د. ا. جانە باسقالار وقيعا ورنىنان قاشىپ كەتەدى. م. ا. جانە ج. ب. اسا اۋىر قىلمىستىڭ جاسالعانىن كورە تۇرا، قاساقانا قۇقىق قورعاۋ ورگاندارىنا حابارلامايدى. ءسويتىپ سوتقا دەيىنگى تەرگەۋ ورگاندارىنان جاسىرىنۋ ءۇشىن قاسىنداعىلارمەن بىرگە قىرعىزستان اۋماعىنا كەتىپ قالادى.
سوت ءماجىلىسى بارىسىندا م. ا. جانە ج. ب. ءوز كىنالارىن تولىق مويىنداپ، جاساعان ىستەرى ءۇشىن وكىندى.
سوت ۇكىمىمەن م. ا. جانە ج. ب. ق ك 434-بابىندا كوزدەلگەن قىلمىس بويىنشا كىنالى دەپ تانىلدى. قىلمىستىق كودەكستىڭ 62-بابىنىڭ 3-بولىگىن نەگىزگە الا وتىرىپ، ج. س. - 2 جىل 7 اي 4 كۇن، د. ا. - 2 جىل 8 اي 17 كۇن باس بوستاندىعىن شەكتەۋ جازاسى تاعايىندالدى.
ۇكىم زاڭدى كۇشىنە ەنگەن جوق.