16:07, 31 - قازان 2018 | GMT +5
حالىقارادا سپورتتىق تورەلىك سوت سەرىك قوناقبايەۆتى جاقتادى
استانا. قازاقپارات - سپورتتىق اربيتراجدىق سوتقا (CAS) AIBA (حالىقارالىق اۋەسقوي بوكس فەدەراتسياسى) پرەزيدەنتتىگىنە ۇمىتكەر بولىپ وتىرعان سەرىك قوناقبايەۆتىڭ شاعىمىن قاناعاتتاندىردى، دەپ حابارلايدى قازاقپارات ءتىلشىسى قازاقستان بوكس فەدەراتسياسىنا سىلتەمە جاساپ.
بۇعان دەيىن حابارلاعانىمىزداي، سەرىك قوناقبايەۆ AIBA سايلاۋ كوميسسياسىنىڭ ۇيىم پرەزيدەنتتىگىنە قاتىسۋ قۇقىعىنان ايىرۋ تۋرالى شەشىمىنەن كەيىن سپورتتىق اربيتراجدىق سوتقا (CAS) جۇگىنگەن بولاتىن.
«سپورتتىق اربيتراجدىق سوت قوناقبايەۆتىڭ شاعىمىن قاناعاتتاندىردى جانە AIBA- عا ونى پرەزيدەنتكە كانديداتتار تىزىمىنە قوسۋعا مىندەتتەدى. سوت سايلاۋ كوميسسياسى قوناقبايەۆتى جاقتاپ ءبىرقاتار ۇلتتىق بوكس فەدەراتسيالارى ۇسىنعان وتىنىمدەردى زاڭسىز قابىلداماعان دەپ ەسەپتەيدى. داۋىس بەرۋ 3 قاراشادا ماسكەۋدە وتەتىن AIBA كونگرەسىندە جۇرگىزىلەدى»، - دەدى فەدەراتسياسى باسپا ءسوز قىزمەتىنەن.
ەسكە سالساق، سەرىك قوناقبايەۆ AIBA پرەزيدەنتى بولۋى مۇمكىن ەكەندىگىن جازعان بولاتىنبىز.