تاەكۆوندو: اتىراۋلىق جانسەل دەنيز حالىقارالىق تۋرنيردە جەڭىمپاز اتاندى
وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنىڭ حابارلاۋىنشا، ازيا ويىندارىنىڭ كۇمىس جۇلدەگەرى جانسەل دەنيز 73 كەلى سالماق دارەجەسىندە باق سىناعان. ىرىكتەۋ كەزەڭدەرىندە ول يسپانيا جانە سەربيا ەلىنىڭ سپورتشىلارىن ۇتتى. جارتىلاي سىندا فرانتسيالىق قارسىلاسى مەلليەر مايەۆا بولدى. تارتىستى كەزدەسۋدە جەرلەسىمىز 4:2 ەسەبىمەن باسىم ءتۇستى.
ال، فينالدا تاعى ءبىر فرانسۋز سولەنە ابوۋلەتەنى 5:3 ەسەبىمەن جەڭدى.
«تۋرنير وتە جوعارى دەڭگەيدە ءوتتى. ءاربىر سپورتشى وليمپيادالىق رەيتينگتەگى ۇپايىن كوبەيتۋ ءۇشىن كەلگەنى حاق. مەن ءتورت سپورتشىمەن كەزدەسىپ، بارلىعىن دا جەڭدىم. وسى جولى 73 كەلىدە باق سىناعان ەدىم. قارسىلاستارىم ماعان قاراعاندا ءىرى دەنەلى. دەسە دە، جىلدامدىقتىڭ ارقاسىندا كوپ ۇپاي جينادىم. التىنمەن قوسا، رەيتينگتە ون ۇپاي ەنشىلەگەنىمدى دە ايتا كەتۋ كەرەك. ماعان جانكۇيەر بولعان بارشاڭىزعا العىسىم زور» ، - دەيدى سپورتشى.
ايتا كەتەيىك، وسى تۋرنيردەن سوڭ جانسەل 108 ۇپايمەن الەمدىك رەيتينگتە 25- - ورىنعا تابان تىرەپ وتىر.
