ەلباسى جاير مەسسياس بولسونارۋدى برازيليا پرەزيدەنتى بولۋىمەن قۇتتىقتادى

استانا. قازاقپارات - نۇرسۇلتان نازاربايەۆ جاير مەسسياس بولسونارۋعا برازيليا فەدەراتيۆتىك رەسپۋبليكاسىنىڭ پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى، دەپ حابارلادى اقوردانىڭ رەسمي سايتى.

مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان جاير مەسسياس بولسونارۋدى برازيليا فەدەراتيۆتىك رەسپۋبليكاسىنىڭ پرەزيدەنتى لاۋازىمىنا سايلانۋىمەن قۇتتىقتادى.

«قازاقستان مەن برازيليا اراسىنداعى ىنتىماقتاستىق حالىقتارىمىزدىڭ جارقىن بولاشاعى ءۇشىن ودان ءارى دامي تۇسەتىنىنە كامىل سەنەمىن.

سىزگە زور دەنساۋلىق جانە جاۋاپتى قىزمەتىڭىزگە مول تابىس، ال دوستاس برازيليا حالقىنا بەيبىت ءومىر مەن باق- بەرەكە تىلەيمىن»، - دەلىنگەن جەدەلحاتتا.