وقۋ بىتىرگەندەردى جۇمىسپەن قامتۋدى جەدەلدەتەتىن جاڭا تەتىكتەر قاراستىرىلۋدا
تىڭ تالاپتار تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا ايتىپ بەردى، دەپ حابارلايدى قازاقپارات ءتىلشىسى.
«مەملەكەتتىك باعدارلاما جوباسىندا وقۋدى اياقتاعان ادامداردى تولىق جۇمىسقا ورنالاستىرۋدى قامتاماسىز ەتۋگە باعىتتالعان جاڭا تەتىكتەر كوزدەلگەن. بىرىنشىدەن، وقۋ ورتالىقتارى مەن وقۋ ورىندارىنا تالاپتاردى كۇشەيتۋ ۇسىنىلادى. اتاپ ايتقاندا، وقۋ ورىندارىنىڭ ءتيىستى ماتەريالدىق- تەحنيكالىق بازاسىنىڭ بولۋى، دۋالدى وقىتۋ ەلەمەنتتەرىن پايدالانۋى ماڭىزدى جانە وقۋدى بىتىرۋشىلەردىڭ كەمىندە 60 پايىزىن جۇمىسقا ورنالاستىرۋى كەرەك»، - دەيدى مينيستر.
ءمادينا ءابىلقاسىموۆا ەكىنشىدەن وقىتۋ ۇيىمدارىن ساپالى قۇراممەن قامتاماسىز ەتۋ ماقساتىندا «اتامەكەن» ۇلتتىق كاسىپكەرلەر پالاتاسى وقۋ ورتالىقتارى مەن وقۋ ورىندارىنىڭ رەەسترىن قالىپتاستىرۋدى قاراستىرىپ جاتقانىن اتاپ ءوتتى.
«ۇشىنشىدەن، ەڭبەك نارىعىندا سۇرانىسقا يە كاسىپتەر بويىنشا وقىتۋدى قامتاماسىز ەتۋ ماقساتىندا قىسقا مەرزىمدى كاسىپتىك وقىتۋ ءۇشىن سۇرانىسقا يە كاسىپتەر مەن داعدىلاردىڭ تىزبەسىن كەڭەيتۋ جانە بەكىتۋ كوزدەلەدى»، - دەدى مينيستر.
ەسكە سالا كەتسەك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسى قالاي جۇزەگە اسىرىلىپ جاتقانىن بايانداعان ەدى.
ءوز كەزەگىندە ۇكىمەت باسشىسى باقىتجان ساعىنتايەۆ حالىقتى جۇمىسپەن قامتۋ جۇمىستارىنىڭ اسەرىنە مونيتورينگ جۇرگىزۋدى تاپسىردى.
اۆتور: ايان بەكەن ۇلى