شىعىس قازاقستاندا سىلەۋسىن جول بويىندا ەمىن- ەركىن جورتىپ ءجۇر
عالامتوردا جول بويىندا ەمىن- ەركىن جورتىپ جۇرگەن سىلەۋسىننىڭ ۆيدەوسى پايدا بولدى. ونى وسكەمەن تۇرعىنى تاسپاعا ءتۇسىرىپ العان. ۆيدەوجازبادا ءتۇز تاعىسىنىڭ زىمىراپ جاتقان كولىكتەردى ەلەڭ قىلماي، ءوز بەتىنشە كەتىپ بارا جاتقانى انىق كورىنىپ تۇر.
الەۋمەتتىك جەلىدە ءوز پىكىرىمەن بولىسكەن زىريان قالاسىنىڭ تۇرعىندارى «تاڭعالاتىن ەشتەڭە جوق» دەيدى. ويتكەنى، سىلەۋسىن سياقتى جابايى جانۋارلار بۇل ماڭدا ءجيى كەزدەسەدى. ءتىپتى، حالىق قونىستانعان ەلدىمەكەندەرگە دە قوناققا كەلىپ تۇرادى ەكەن. ال مۇنىڭ الدىندا ريددەر قالاسىنىڭ ءۇش اۋدانىنان ايۋ كوزگە تۇسكەن بولاتىن.
ەسكە سالا كەتەيىك، مۇنىڭ الدىندا ءبىز ءۇستىرتتىڭ قازاقستانداعى بولىگىندە فوتوتۇزاققا قابىلان ءتۇسىپ قالعانى تۋرالى جازعان بولاتىنبىز. كەزىندە بۇل وڭىردە گەپاردتار تىرشىلىك ەتكەن. ال قابىلاننىڭ كەزىگۋى ءبىرىنشى رەت تىركەلىپ وتىر.
اۆتور: جانات قاپالبايەۆا
