ستامبۋلدا الەمدەگى ەڭ ۇلكەن اۋەجاي اشىلادى

 استانا. قازاقپارات - بۇگىن تۇركيانىڭ ستامبۋل قالاسىندا 90 ميلليون جولاۋشىعا قىزمەت كورسەتەتىن الەمدەگى ەڭ ۇلكەن اۋەجاي  تۇركيا پرەزيدەنتى رەجەپ تايىپ ەردوعان قاتىسۋىمەن رەسمي تۇردە اشىلادى.

جالپى اۋماعى 76,5 ميلليون شارشى مەتر اۋەجايدىڭ العاشقى بولىگى اشىلۋى ءۇشىن 6 ميلليارد دوللار جۇمسالعان. اۋەجايدىڭ قالعان بولىگى 2023 -جىلعا دەيىن قولدانىسقا بەرىلەدى دەپ جوسپارلانعان.

اۋەجاي تولىقتاي ىسكە قوسىلعان كەزدە ونىڭ 6 ۇشۋ- قونۋ جولى، 500 ۇشاقتى قابىلداي الاتىن مۇمكىندىگى، 70 مىڭ اۆتوموبيل ءۇشىن اشىق جانە جابىق كولىك تۇراعى، 20 مىڭ ادامعا ارنالعان كۇتۋ زالى جانە 200 ميلليون جولاۋشىعا قىزمەت كورسەتۋ مۇمكىندىگىنە يە بولادى.

 اۋەجايدان 350 باعىت بويىنشا ۇشاق رەيستەرى جۇزەگە اسىرىلادى. سونىمەن بىرگە، ونىڭ 451 بولمەلى قوناقۇيى دە بار. اۋەجايدان العاشقى ساپار 31 - قازان كۇنى "Boeing 777" ۇشاعىمەن ستامبۋل- انكارا باعىتى بويىنشا جۇزەگە اسىرىلادى.

Massaget.kz