قورقاق جىگىت جاقىنداماسىن: ەركە ەسماحان بولاشاق جارىنا قوياتىن تالاپتارىن اتادى

  استانا. قازاقپارات -ءار انىندە بولاشاق جارىن ىزدەيتىن ەركە ەسماحان ونى فيلمنەن تاپتى. جاقىندا عانا كورەرمەنگە جول تارتقان «ماحاببات كافەسى» كينوكارتيناسىندا ەركەنىڭ ماحابباتىن اكتەر ءشارىپ سەرىك سومداعان.

 25 كۇن بويى ەركەمەن ءبىر الاڭدا جۇمىس ىستەگەن اكتەر شىن مانىندە ەركەگە عاشىق بولىپ قالعان ۇقسايدى. بۇل تۋرالى 31 - ارنا حابارلايدى.

«ول ماحاببات ءالى كۇنگە دەيىن سونگەن جوق. فيلم بارىسىندا، وعان دەيىن دە كەيىن دە، ول ماحاببات ەندى ءومىر باقي وشپەيدى.

كەرەمەت ادام بولعاننان كەيىن، كوڭىلى اشىق، ويى، رۋحى تاپ- تازا. مەنىڭ ويىمشا، فيلمدە جاقسى وينادى. بۇل تەك قانا مەنىڭ كوزقاراسىم. حالىق ءوزى ايتا جاتار»، - دەيدى ءشارىپ سەرىك فيلمدەگى ەركەمەن ويىنى جايلى.

ال ەركە ءانشى ءتۇسىرىلىم الاڭىنداعى ارىپتەسىنىڭ بۇل ويىنان حابارسىز سەكىلدى. ول بولاشاق جارىن كەزدەستىرمەگەنىن، ءالى دە ءۇمىتىن ۇزبەيتىنىن ايتادى.

«جالعىز قالىپ ويلاناتىن كەزىم بولادى. ءوزىمنىڭ قاتەلىگىم بار ما، ءوزىمنىڭ ءبىر جەرىم دۇرىس ەمەس پا، الدە قاناعات قىلماي جاتىرمىن با دەپ ويلايمىن. قازىرگى زاماندا ءبىر- بىرىنە ۇيلەسىمدىلىك تابۋ وتە قيىن دەپ ويلايمىن. ويتكەنى قازىر ءبارى بىلگىش، اقىلدى، ءبارى ءوز- وزىمەن، ەشكىم ەشكىمگە مويىن ۇسنعىسى كەلمەيدى. ءبىراق قىز بالا رەتىندە ءارقاشان دا ەر ادامدى سىيلايمىن. ەر ادامنان ەكى ەلى تومەن ەكەنىمدى ءارقاشان دا بىلەمىن. سوندىقتان دا ءالى مۇمكىن كەزدەستىرمەگەن شىعارمىن. اللا تاعالا ءبارىن ءۇيىپ بەرگەنىمەن، ءبىر جەرىن ۇستاپ قالۋى مۇمكىن عوي. ماعان وسىلاي سىناق شىعار. ءوزىمنىڭ ادامىمدى كەزدەستىرەمىن جانە دە باقىتتى بولامىن. مەن وعان سەنىمدىمىن. قورقاتىن جىگىت باسىنان جاقىنداماسا، ماعان ونداي كەرەك ەمەس. ماعان باتىل، ءوزىنىڭ كوڭىلىن بىلدىرە الاتىن، قانداي نارسەگە دە دايىن ادام كەرەك»، - دەيدى ەركە ەسماحان.

ەركەنىڭ ايتۋىنشا، شىن جاقسى كورگەن ادام ونىڭ بۇرىنعى ومىرىنە قارامايدى. ءتىپتى، باۋىر ەتى بالاسىن قابىلدايدى.

«ەشقاشان دا بالا كەدەرگى بولماعان عوي. ول مەنى جاقسى كورسە، ۇلىمدى دا جاقسى كورەدى دەپ ويلايمىن. مەن بالامنىڭ بارىن جاسىرىپ، ودان كەيىن بارىپ بىلەتىندەي ەمەس. ەگەر ماعان ءسوز سالىپ، مەنىمەن بىرگە بولعىسى كەلسە، ول باسىنان باستاپ مەنىڭ تاعدىرىمدى بىلەدى. ويتكەنى مەنىڭ ءومىرىم حالىقتىڭ الدىندا ءوتىپ جاتىر. سوندىقتان دا بۇل جەردە بىردەڭەنى بىلمەي كەلىپ، ارتىنان تۇسىنبەي دەگەن جوق. ءبارى ءبىر- بىرىمەن ۇيلەسىمدىلىك تابۋ كەرەك. سول ءۇشىن دە كوپ ىزدەپ ءجۇرمىن»، - دەيدى ەركە.