ا ق ش- تا سوتتالعان دياس قادىربايەۆ قازاقستانعا جەتكىزىلدى

 استانا. قازاقپارات - ا ق ش- تىڭ بوستون قالاسىندا بولعان تەرراكتىنى تەرگەۋ بارىسىندا سوتتالعان قازاقستاندىق دياس قادىربايەۆ الماتىعا ۇشىپ كەلدى، دەپ حابارلايدى قازاقپارات ءتىلشىسى.

التى جىلعا سوتتالعان د. قادىربايەۆ امەريكا تۇرمەسىنەن مەرزىمىنەن بۇرىن بوساپ شىقتى.

«2018 -جىلدىڭ 24 - قازانىندا ءبىزدىڭ ازامات دياس قادىربايەۆ الماتى قالاسىنا ۇشىپ كەلدى. قازىرگى تاڭدا ول بوستاندىقتا. ول امەريكادا جازاسىن تولىعىمەن وتەپ، قازاقستانعا قايتىپ كەلدى» ، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆودا وتكەن بريفينگتە.

ايبەك سمادياروۆ قازاقستان رەسپۋبليكاسىنىڭ اۋماعىنداعى ونىڭ جاۋاپكەرشىلىگى ماسەلەسىن ەلىمىزدىڭ قۇقىققورعاۋ ورگانىنان سۇراپ ءبىلۋ كەرەكتىگىن اتاپ ءوتتى.

ەسكە سالا كەتسەك، 2015 -جىلى قازاقستاندىق ستۋدەنت دياس قادىربايەۆ امەريكالىق قۇقىققورعاۋ ورگاندارىنا 2013 -جىلى بوستوندا جاسالعان لاڭكەستىكتى تەرگەۋ بارىسىنا كەدەرگى جاساعانى ءۇشىن 6 جىلعا تۇرمەگە كەسىلگەن بولاتىن. قادىربايەۆ تەراكتىنى جاساعان دجوحار سارنايەۆتى تانيتىندىعىن پوليتسياعا حابارلاماعان. سونىمەن بىرگە، جاتاقحاناداعى سارنايەۆتىڭ بولمەسىن جيناستىرىپ، تەرگەۋگە كەدەرگى كەلتىرگەنىن مويىندادى.

بۇدان بۇرىن ق ر سىرتقى ىستەر مينيسترلىگى قازاقستاندىق ستۋدەنت تۇرمەدەن بوساپ شىققانىن جانە ول ا ق ش- تان قازاقستانعا جەتكىزىلەتىنىن راستاعان ەدى.

 بوستونداعى لاڭكەستىك اكتى 2013 -جىلعى 15 - ساۋىردە جىل سايىنعى مارافون كەزىندە بولدى. ەكى جارىلىس سالدارىنان ءۇش ادام قازا تاۋىپ، 260 تان استامى جاراقات الدى. جارىلىستى جاسادى دەگەن ايىپ اعايىندى سارنايەۆتارعا تاعىلدى. ۇلكەنى - تامەرلان پوليسەيلەرمەن اتىس كەزىندە ءولتىرىلدى. دجوحار ارنايى وپەراتسيا كەزىندە تۇتقىندالىپ، القابيلەر سوتى ونى ءولىم جازاسىنا كەستى.