دميتري مەدۆەديەۆ قازاقستانعا رەسمي ساپارمەن كەلەدى
بۇل تۋرالى ق ر س ءى م- دە وتكەن بريفينگتە ۆەدومستۆونىڭ رەسمي وكىلى ايبەك سمادياروۆ ايتتى.
«1 - قاراشادا رەسەي فەدەراتسياسى ۇكىمەتىنىڭ ءتوراعاسى دميتري مەدۆەديەۆتىڭ قازاقستان رەسپۋبليكاسىنا رەسمي ساپارى وتەدى. ساپار بارىسىندا مەملەكەت باسشىسىمەن كەزدەسۋى جوسپارلانۋدا. قازاقستان مەن رەسەي ۇكىمەتتەرىنىڭ باسشىلارىمەن وتەتىن كەزدەسۋدە ەكى ەل اراسىنداعى ساۋدا- ەكونوميكالىق، ءوڭىرارالىق، كولىكتىك- ترانزيتتىك جانە مادەني- گۋمانيتارلىق ىنتىماقتاستىعى سالالارىن دامىتۋ پەرسپەكتيۆالارى جانە ونىڭ اعىمداعى جاعدايى، سونداي- اق بايقوڭىر كەشەنىندە ءوزارا ارىپتەستىك ماسەلەلەرى تۋرالى پىكىر الماسىلادى» ، - دەيدى ايبەك سمادياروۆ.
ق ر س ءى م رەسمي وكىلىنىڭ ايتۋىنشا، تاراپتار ەكى ەلدىڭ ينتەگراتسيالىق وداقتاستىق شەڭبەرىندەگى ءوزارا ءىس- قيمىل ماسەلەلەرىن دە تالقىلايدى.
ايتا كەتسەك، وسى جىلدىڭ مامىرىندا دميتري مەدۆەديەۆ رەسەي فەدەراتسياسىنىڭ پرەمەر- ءمينيسترى بولىپ تاعى سايلانعان بولاتىن.
