الماتى كوشەلەرىن نوسەر جاڭبىردان كەيىن سۋ الىپ كەتتى

الماتى. قازاقپارات - الماتى كوشەلەرىن كۇنى بويى جاۋعان جاڭبىردان كەيىن سۋ باسىپ كەتتى، دەپ حابارلايدى قازاقپارات.

كۇنى بويى تولاسسىز جاۋعان جاڭبىر الماتىلىقتاردى بۇگىن ۇيدە وتىرۋعا ماجبۇرلەدى. كەشكى ساعات 19:30-دە قالاعا 7 مم جاۋىن- شاشىن ءتۇستى.

قالادا ءجۇرۋ قيىنعا اينالدى، ويتكەنى كوشەلەردە جايىلما سۋ باسىپ كەتكەن. سۋ جۇرگىنشىلەر جولى جانە كوشەلەرمەن اعىپ جاتىر.

قالالىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە، 28 قازاندا جاۋعان جاڭبىر كەزىندە اۋداندىق اكىمدىكتەر مەن قۇتقارۋ قىزمەتتەرى جايىلىپ كەتكەن سۋدى اعىزۋ ءۇشىن ۇتقىر بريگادالار كەزەكشىلىگىن ۇيىمداستىرعان. ولاردىڭ قاتارىندا 280 ادام، 115 ارنايى تەحنيكا، 30 موتوسورعى جانە 5 اسسەنيزاتور ماشيناسى بار. ولار ارىق جەلىسىندە سۋدىڭ كەدەرگىسىز اعۋىن قامتاماسىز ەتىپ مەن سۋ سورعىزۋمەن اينالىسۋدا.

سونىمەن قاتار 3 مىڭ قاپ، 200 توننا قۇم ازىرلەنگەن.

اۋدان اكىمدىكتەر داۋىلدىق ەسكەرتۋگە دەيىن ارىق جۇيەلەرىن تازارتۋ جانە جولدار مەن ارىقتاردان جاپىراقتاردى جيناپ الۋدى ۇيىمداستىرعان. وعان 180 تەحنيكا مەن 1260 جولعا قىزمەت كورسەتەتىن جۇمىسشى جۇمىلدىرىلعان. قالالىق توتەنشە جاعدايلار دەپارتامەنتى مەن اۋداندىق اكىمدىكتەردىڭ مالىمەتىنشە، قالاداعى 13 ۋچاسكەدە سۋ الىپ كەتكەن جەرلەر رەتكە كەلتىرىلىپ، سۋ باسقان تۇستار جويىلعان.

 

اۆتور: البەرت احمەتوۆ