قازاقستاندىق سۋرەتشى تەلەجوبادا كوزىن بايلاپ الىپ ءمۇسىن جاسادى
ول «روسسيا 1» تەلەارناسىنداعى «ۋديۆيتەلنىە ليۋدي» جوباسىنىڭ ءۇشىنشى ماۋسىمىنداعى سەگىزىنشى كورسەتىلىمىندە كوزى بايلاۋلى كۇيىندە، كارتينا سالعان بولاتىن.
جوبانىڭ وسى ماۋسىمىنا تاڭعالارلىق قابىلەتى بار الەمنىڭ 56 ادامى قاتىستى. 10 ادام فينالعا ءوتتى، سولاردىڭ تەك بىرەۋىنە عانا جەڭىمپاز كۋبوگى مەن باستى جۇلدە 1 ميلليون رۋبل بۇيىرادى.
تالاپ بويىنشا جەڭىمپازدى ستۋدياداعى كورەرمەندەر تاڭدايدى. سونداي-اق ولارعا كومەككە جوبانىڭ قوناعى، تەلەجۇرگىزۋشى ولگا شەلەست، حورەوگراف، ءبيشى ەۆگەني پاپۋنايشۆيلي، بوكستان كاسىپقويلار اراسىندا الەم چەمپيونى ناتاليا روگوزينا مەن كوگنيتيۆتىك نەيروعىلىمدار ينستيتۋتىنىڭ ديرەكتورى ۆاسيلي كليۋچاروۆ كەلەدى.
تارتىس مىنالاردىڭ اراسىندا ءوتتى: زاحار گەرمان، 6 جاسار، ومبى قالاسىنان (رەسەي)، ارتۋر ميكاەليان، 12 جاستا، رازدان قالاسىنان (ارمەنيا)، ۆەنسەل گريۋس، 15 جاستا، برەمەن قالاسى (گەرمانيا)، سيۋي جيانيۋي، 13 جاستا، شيامىن (قىتاي)، سافيا ساليموۆا، 11 جاستا، انتاليا (تۇركيا)، دجون گرەم، 32 جاستا، سولت- لەيك- سيتي (ا ق ش)، رەنات ەلۋبايەۆ، 35 جاستا، استانا (قازاقستان)، رۋسلان گاۆريۋشەنكو، 44-تە، كيسلوۆودسك (رەسەي)، ارتەم مارتيروسوۆ، 16-دا، ماسكەۋ (رەسەي)، وسمان دەليباش، 25-تە، ماسكەۋ (رەسەي).
فينالدا سۋرەتشى رەنات ەلۋبايەۆ ءوز تالانتىنىڭ جاڭا قىرىن كورسەتۋى كەرەك بولدى. بۇل جولى ول مۇسىنشىلىك قابىلەتىن تانىتتى. قازاقستاندىق وزىنە بەرىلگەن ءمۇسىندى كوزى بايلاۋلى قالپىندا قولىمەن سيپاپ- تانىپ، ونى سازدان كوشىرىپ، اينىتپاي جاساپ شىعۋى ءتيىس ەدى.
جوبادا رەنات تۇڭعىش رەت ءمۇسىندى كورمەي تۇرىپ جاساۋعا تۋرا كەلدى. جوبا قوناقتارى رەناتتىڭ جاساعان مۇسىنىنە كەلگەندە ەكىداي پىكىر ءبىلدىردى. ەۆگەنيي پاپۋنايشۆيلي مەن ناتاليا روگوزينا دايىن ءمۇسىن ءتۇپنۇسقاعا ۇقسايدى دەسە، ولگا شەلەست پەن ۆاسيلي كليۋچاروۆ ارىپتەستەرىنىڭ پىكىرىنە قارسى شىقتى.
جوباعا قاتىسۋشىلاردىڭ بارلىعى ءوز تالانتتارىن كورسەتىپ بولعان سوڭ، كورەرمەندەر داۋىستارىن ەكى ۇمىتكەر - ارمەنيالىق ارتۋر ميكاەليان مەن رەسەيلىك رۋسلان گاۆريۋشەنكوعا بەردى. سوڭعى تاڭداۋدى جوبا قوناقتارى جاسادى. ولار رۋسلان گاۆريۋشەنكونى ۇزدىك دەپ تانىدى. رۋسلان كۋبوك پەن باس جۇلدەنى يەلەندى.