اۆتوبۋس سوققان ءمادينا ءسادۋاقاسوۆانىڭ كولىگىنىڭ شىعىنىن اۆتوپارك وتەيدى
23 -قازاندا «Green Bus» كومپانياسىنا تيەسىلى باعدارلىق اۆتوبۋس ءانشى ءمادينا ءسادۋاقاسوۆانىڭ كولىگىن سوعىپ كەتكەن.
«ءبىز وسى وقيعادان زارداپ شەككەن ادامداردىڭ بارلىعىنان كەشىرىم سۇرايمىز. زارداپ شەككەندەردىڭ ءبىرى بىزگە بەلگىلى (ءانشى ءمادينا ءسادۋاقاسوۆا - رەد. ) ءوزىن جاقسى سەزىنەدى، ءبىزدىڭ تاراپقا ءازىر شاعىمى جوق. ەكىنشى بويجەتكەننىڭ قايدا ەكەنىن ازىرگە انىقتاي المادىق، الايدا ونى ىزدەپ جاتىرمىز. ويتكەنى ونىڭ دەنساۋلىعى قالىپتى ەكەنىنە كوز جەتكىزۋىمىز كەرەك. سونداي-اق، ءبىزدىڭ ساقتاندىرۋ كومپانيامىز ءمادينا ءسادۋاقاسوۆانىڭ كولىگىن جوندەۋگە قاتىستى بارلىق شىعىندى ءوزى كوتەرەدى»، - دەپ ءمالىم ەتتى تاسىمالداۋشى كومپانيا وكىلدەرى.
اۆتوبۋس جۇرگىزۋشىسى وقيعانىڭ ءمان-جايى انىقتالعانشا جۇمىستان شەتتەتىلگەن. ول ءبىلىمىن قايتا پىسىقتاپ، اتتەستاتسيانى قايتا تاپسىرادى.
كومپانيانىڭ ءمالىم ەتۋىنشە، اپاتتىق جاعدايعا جول بەرگەن جۇرگىزۋشى جاۋاپكەرشىلىگى بار ادام سانالىپ كەلگەن، بۇعان دەيىن ونىڭ جۇمىسىنا قاتىستى كەمشىلىك بولماعان.
اۆتور: مايا تەڭىزبايەۆا