قوستانايدا ءبىرىنشى رەت جەمقورلىققا قارسى سپەكتاكل قويىلدى
ءى. وماروۆ اتىنداعى وبلىستىق قازاق دراما تەاترىندا «جەمقورلىق - الەۋمەتتىك دەرت» اتتى سىبايلاس جەمقورلىققا قارسى سپەكتاكلدىڭ تانىستىرىلىمى ءوتتى. بۇل يدەيانىڭ اۆتورى - وبلىستىق مەملەكەتتىك قىزمەت ىستەرى دەپارتامەنتى.
«جەمقورلىق - الەۋمەتتىك دەرت» پەساسى بولعان وقيعانىڭ جەلىسىندە قويىلدى. دەپارتامەنت باسشىسى سالاۋات مۇكسىموۆتىڭ ايتۋىنشا، ارتىستەر بۇل سپەكتاكل ارقىلى جەمقورلىقتىڭ قوعامعا تيگىزەتىن جاعىمسىز تۇستارىن كورسەتكىسى كەلدى.
«جەمقورلىقپەن كۇرەس بۇگىنگى قوعامداعى وزەكتى ماسەلەلەردىڭ بىرىنە اينالدى. بۇل قويىلىمدى ءوڭىردىڭ مەملەكەتتىك قىزمەتكەرلەرى اسىعا كۇتتى. مەنىڭشە، پەسانى ءار قوستانايلىق مەمقىزمەتشى كورۋى ءتيىس. ءار قالا مەن اۋدانعا بارىپ، حالىققا ۇسىنساق دەگەن وي بار. ارتىستەر تاقىرىپتى جان-جاقتى اشىپ بەردى. پرەمەرا ءوز دەڭگەيىندە ءوتتى»، - دەدى سالاۋات مۇكسىموۆ.
كورەرمەندەر دە مۇنداي قويىلىمداردى جيىلەتۋ كەرەك دەپ ەسەپتەيدى. سەبەبى، مادەني- قوعامدىق ورىنداردا جەمقورلىقتىڭ زارداپتارى تۋرالى جيىرەك ايتىلۋى ءتيىس.
الداعى ۋاقىتتا وبلىستىق مەملەكەتتىك قىزمەت ىستەرى دەپارتامەنتى مەن قازاق دراما تەاترى ءوزارا جوبالاردى ىسكە اسىرۋعا كەلىستى.
