ەلىمىزدە ادەپ بۇزۋ كورسەتكىشى تومەندەگەن
مەملەكەتتىك قىزمەتشىلەردىڭ جۇمىس ساپاسى، ولاردىڭ تاجىريبەلەرى مەن جەتىستىكتەرىن تالقىلاۋعا ارنالعان جيىندى ارنايى مونيتورينگتىك توپ جەتەكشىسى، قوعام قايراتكەرى ايگۇل سولوۆيەۆا جۇرگىزىپ وتىردى.
الدىمەن، قوستاناي وبلىسى اكىمىنىڭ ورىنباسارى سەرگەي كارپليۋك بايانداما جاسادى. ول ءوز سوزىندە وبلىستىڭ بيىلعى جەتكەن جەتىستىكتەرىن ورتاعا سالدى. سونىمەن قاتار، مەملەكەتتىك قىزمەت پەن ازاماتتىق قوعامنىڭ رولىنە توقتالدى.
«وسىنداي اۋقىمدى ەتيكالىق پىكىرتالاستىڭ ءبىزدىڭ وبلىستا وتكەنىنىن قۋانىشتىمىز. بۇل ءبىزدىڭ مەملەكەتتىك قىزمەتشىلەرگە ۇلكەن تاجىريبە. وڭىردەگى مەملەكەتتىك ورگاندار ازاماتتىق قوعام ۇيىمدارىمەن تىعىز بايلانىستا. ءقازىردىڭ وزىندە جەرگىلىكتى اتقارۋشى ورگاندارلا 3,5 مەملەكەتتىك قىزمەتشى جۇمىس ىستەيدى. جەمقورلىقپەن كۇرەس بەلسەندى تۇردە جۇرگىزىلۋدە. وسى جىلدىڭ 9-ايى ىشىندە ەتيكالىق ءتارتىپ بۇزۋشىلىق دەڭگەيى تومەندەدى.
قاراماعىنداعى قىزمەتكەرلەر سىبايلاس جەمقورلىققا جول بەرگەندە ءبىرىنشى باسشىلاردىڭ جەكە تارتىپتىك جاۋاپكەرشىلىگىن كۇشەيتۋ ماسەلەسى پىسىقتالۋدا»، - دەدى سەرگەي كارپليۋك.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اپپارات جەتەكشىسى سايان احمەتجانوۆ ادەپ جونىندەگى كەڭەستىڭ جۇمىسى تۋرالى مالىمەت بەردى.
«وتكەن 9 ايدا ادەپ جونىندەگى كەڭەس 117 وتىرىس وتكىزدى. ول جيىنداردا 529 سۇراق تالقىلاندى. ەتيكالىق ءتارتىپ بۇزعان 271 لاۋازىمدى تۇلعا جازالاندى. 2015 -جىلدان باستاپ ەسەپكە الساق، ەتيكالىق ءتارتىپبۇزۋشىلىقتىڭ ازايعانىن بايقاۋعا بولادى. سول جىلى 338 تۇلعا ءتارتىپ بۇزسا، بيىل ونىڭ سانى 182-گە قىسقاردى. ال بىلتىرعى جىل ءبىز ءۇشىن ەرەكشە. تانىمال «Transparency International» رەيتينگى بويىنشا ءبىزدىڭ ەلىمىزدە جەمقورلىق احۋالى تومەندەدى. قازاقستان ءوز تاريحىندا ءبىرىنشى رەت 31 ۇپايعا يە بولدى»، - دەدى سايان احمەتجانوۆ.
سايان احمەتجانوۆ بيىلعى جىلدىڭ قاڭتارىنان باستاپ مەملەكەتتىك ورتالىق جانە جەرگىلىكتى ورگانداردا جاڭا ەڭبەكاقى جۇيەسى پيلوتتىق جوبا رەتىندە ەنگىزىلگەنىن ايتتى.
فورۋمدا ب ۇ ۇ دامۋ باعدارلاماسى ءتيىمدى باسقارۋ دەپارتامەنتىنىڭ ديرەكتورى كونستانتين سوكۋلسكي، قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە- رەكتورى التاير احمەتوۆتەر بايانداما وقىدى.
سونداي-اق، قازاقستاننىڭ مەملەكەت جانە قوعام قايراتكەرى مۇرات ابەنوۆ فورۋمدا ءسوز سويلەپ، ۇسىنىستارىن ورتاعا سالعان بولاتىن.