جانسايا مۋسينا اتىراۋدا وتكەن حالىقارالىق ايتىستىڭ باس جۇلدەسىن جەڭىپ الدى

ورال. قازاقپارات - اتىراۋ قالاسىندا ايتىسكەر اقىن، جىراۋ مۇرات موڭكە ۇلىنىڭ 175 جىلدىعىنا ارنالعان حالىقارالىق ايتىس مارەگە جەتتى، دەپ حابارلايدى قازاقپارات ءتىلشىسى.

ەكى كۇنگە سوزىلعان ايتۋلى جىر دوداسىنا 20 اقىن قاتىسىپ، باق سىنادى.

ايتىس قورىتىندىسىندا باتىسقازاقستاندىق جانسايا مۋسينا باس جۇلدەنى (2 ميلليون تەڭگە) جەڭىپ الدى.

رۇستەم قايىرتاي ءبىرىنشى، مۇحتار نيازوۆ پەن اسەم ەرەجە قىزى ەكىنشى، ونەربەك داۋلەكەنوۆ، اسپانبەك شۇعاتايەۆ جانە سەرىك قۋانعان ءۇشىنشى ورىنعا يە بولدى.

باتىس قازاقستان وبلىسىنان بارعان تالعات مىقي مەن باۋىرجان شيرمەدين ۇلى دا جارتىلاي فينالعا ءوتىپ، ارنايى جۇلدەنى ەنشىلەدى.

«حالىقارالىق دەڭگەيدە وتكەن سايىسقا موڭعوليادان سەرىك قۋانعان مەن ەرلان داۋلەت، قىتايدان شاپاعات ءابدىر قاتىستى. مەن ءوزىم العاشقى اينالىمدا ونەربەك داۋلەكەنوۆپەن، فينالدا رۇستەم قايىرتايمەن ءسوز قاعىستىردىم»، دەدى قازاقپارات تىلشىسىنە جانسايا مۋسينا.