جاھاندىق جىلىنۋ سالدارىنان گاۆاي ارالدارىنىڭ ءبىرى سۋ استىنا كەتتى

 استانا. قازاقپارات - جاھاندىق جىلىنۋ كەسىرىنەن جەر بەتىندەگى تەڭىز دەڭگەيىنەن تومەن مەكەندەر جوق بولىپ كەتەدى دەپ عالىمداردىڭ دابىل قاققانىنا كوپ بولعان جوق.

سونىڭ دالەلى رەتىندە گاۆاي ارحيپەلاگىنا كىرەتىن «ۆالاكا» ارالى جەر بەتىنەن جوق بولىپ، سۋ استىنا كەتتى.

ا ق ش- تىڭ بالىق جانە جابايى اڭداردى قورعاۋ قىزمەتىنىڭ جاساندى سەرىگىنەن تۇسىرىلگەن سۋرەتتەرگە قاراعاندا، گاۆاي شىعىس ارالدارىنىڭ ءبىرى تولىقتاي سۋ استىنا باتىپ كەتكەن.

«ۆالاكا» سولتۇستىك-باتىستاعى اتوللدار ىشىندەگى ۇلكەندىگى جاعىنان ەكىنشى ارال بولاتىن.

ونىڭ ەنى 120 مەتر، ۇزىندىعى 1 شاقىرىمدى قۇرايدى. جوعالىپ كەتۋ قاۋپى ءتونىپ تۇرعان (ۇزىندىعى 80 سانتيمەتردەن 1,4 م دەيىن جەتەتىن، سالماعى 600 كەلى بولاتىن) جاسىل تەڭىز تاسباقالارىنىڭ دۇنيە ءجۇزى بويىنشا جارتىسىنان استامى وسى ارالدا ءومىر سۇرەتىن ەدى.

ارحيپەلاگ 24 ارال مەن اتوللداردان تۇرادى. عالىمدار جاھاندىق جىلىنۋ اسەرىنەن باسقا ارالدار دا جوعالىپ كەتەدى دەپ الاڭداپ وتىر.

Massaget.kz