داۋرەن ابايەۆ: ۇيالى تەلەفوندى سيم- كارتاعا تىركەۋ ءۇشىن بەس امال- ءادىس ۇسىنىلىپ وتىر

استانا. قازاقپارات - ۇيالى تەلەفوندى سيم- كارتاعا تىركەۋ ءۇشىن بايلانىس وپەراتورلارى بەس امال- ءادىس ۇسىنىپ وتىر. ول امالداردىڭ ەڭ قاراپايىمى - س م س- حابارلاما جولداۋ.

بۇل تۋرالى «حابار» ارناسىنداعى «اشىق ديالوگ» باعدارلاماسىندا قوناق بولعان اقپارات جانە كوممۋنيكاتسيالار ءمينيسترى داۋرەن ابايەۆ ايتىپ بەردى، دەپ حابارلايدى قازاقپارات ءتىلشىسى.

اقپارات جانە كوممۋنيكاتسيالار ءمينيسترى داۋرەن ابايەۆتان باعدارلاما جۇرگىزۋشىسى جاقىندا ەل ىشىندە ۇيالى تەلەفوندارعا قاتىستى بولاتىن وزگەرىستەرگە بايلانىستى ساۋال تاستادى

«2019 -جىلدىڭ 1 -  قاڭتارىنان باستاپ قازاقستان ازاماتتارىنا ءوزىنىڭ ۇيالى تەلەفوندارىن سيم- كارتالارىنا تىركەۋ مىندەتتەلىپ وتىر. وسى اپتادا ءى ءى م وكىلدەرى مۇنىڭ ءبارى ۇيالى تەلەفونداردىڭ ۇرلىعىن ازايتۋ ءۇشىن جاسالىپ وتىرعانىن اتاپ ءوتتى. ياعني، تىركەلگەن ۇيالى تەلەفوندى ۇرلاۋدىڭ ەش ءمانى قالماي قالادى. ماقسات البەتتە، دۇرىس باعىتتا. الايدا پروتسەدۋرا قالاي جۇرگىزىلەدى؟ وسى پروتسەدۋرادان ءوتۋ ءۇشىن قازاقستاندىقتار نە ىستەۋى كەرەك»، - دەپ سۇرادى جۇرگىزۋشى.

داۋرەن ابايەۆتىڭ جاۋابىنا سۇيەنسەك، وسى ماسەلەنىڭ كۇردەلىلىگىن ەسكەرە وتىرىپ، اتالمىش شارۋاعا 1 جىلداي ۋاقىت بەرىلگەن.

«ءبىر جىلدىڭ ىشىندە تىركەۋ پروتسەدۋراسىن بارىنشا جەڭىلدەتۋ جۇمىستارىن جۇرگىزدىك. موبيلدىك قىزمەتتى العان كەزدە، ياعني ءسىز بىرەۋگە قوڭىراۋ شالساڭىز نەمەس س م س- حابارلاما جىبەرگەن، ينتەرنەتكە كىرگەن ۋاقىتتا بايلانىس وپەراتورى تەلەفوننىڭ IMEI- كودىن كورىپ وتىرادى. سايكەسىنشە، جاڭا جىلدان باستاپ سيم- كارتا ناقتى ازامات پەن ونىڭ ۇيالى تەلەفونىنا بەكىتىلەدى. قازىرگى ۋاقىتتا وپەراتورلار تىركەۋدەن وتكەنىڭىز تۋرالى ءبىلۋ ءۇشىن بەس امال- ءادىستى ۇسىنادى. ولاردىڭ ەڭ قاراپايىمى - س م س- حابارلاما نەمەسە جەدەل تەرۋ ارقىلى ىسكە اسىرىلادى. تىركەۋ تۋرالى بارلىق قاجەتتى اقپاراتتار ۇيالى وپەراتورلاردىڭ سايتىندا بار»، - دەيدى داۋرەن ابايەۆ.

ءمينيستردىڭ ايتۋىنشا، ابونەنتتەر ءۇشىن كەڭسەلەردى ارالاپ، كەزەكتە تۇرۋدىڭ قاجەتى جوق.

«قازىرگى تاڭدا تىركەۋدەن 12 ميلليونعا تارتا سيم- كارتا وتكىزىلدى. كۇزەت نەمەسە اۆتوكولىك سيگناليزاتسياسىن، اۆتوكولىكپەن بايلانىستى وزگە دە قۇرىلعىلاردى تىركەۋدىڭ قاجەتى جوق. بۇنى نە ءۇشىن ايتىپ وتىرمىن؟ سەبەبى، وسىعان بايلانىستى دا كوپتەگەن سۇراقتاردىڭ تۋىنداپ جاتقانى وتىرىك ەمەس»، - دەيدى داۋرەن ابايەۆ.

ەسكە سالا كەتسەك، 2019 -جىلدان باستاپ IMEI- كودىن تىركەمەگەن ابونەنتتەرگە ۇيالى بايلانىس قىزمەتى كورسەتىلمەيتىنىن حابارلاعان بولاتىنبىز. ياعني، جوعالعان تەلەفونداردى ىزدەۋ جۇمىستارىن جەڭىلدەتۋ، سونىمەن قاتار قىلمىستاردى تەرگەۋگە كومەك كورسەتۋ ماقساتىندا اعىمداعى جىلدىڭ سوڭىنا دەيىن قازاقستان تۇرعىندارى وزدەرىنىڭ ۇيالى قۇرىلعىلارىنا ج س ن- ىنە تىركەۋى قاجەت. 2019 -جىلدان باستاپ تىركەلمەگەن گادجەتتەرگە ۇيالى بايلانىس قىزمەتىن كورسەتۋ دوعارىلادى.

اۆتور: ايان بەكەن ۇلى