08:41, 26 - قازان 2018 | GMT +5
قازاقستان قۇراماسى ف ي ف ا رەيتينگىندە ءبىر ساتىعا جوعارىلادى
استانا. قازاقپارات - حالىقارالىق فۋتبول قاۋىمداستىقتارى فەدەراتسياسىنىڭ (ف ي ف ا) 2018-جىلدىڭ قازان ايىنىڭ قورىتىندىسى بويىنشا جاريالاعان رەيتينگىنە سايكەس قازاقستان ۇلتتىق قۇراماسى وتكەن ايمەن سالىستىرعاندا ءبىر ساتىعا كوتەرىلدى، دەپ حابارلايدى «SPORTINFORM» س ا ا.
قازان ايىنىڭ قورىتىندىسى بويىنشا قازاقستان قۇراماسى 117- ورىنعا جايعاستى.
قازاقستان قۇراماسى قازان ايىندا ۋ ە ف ا ۇلتتار ليگاسى اياسىندا ەكى ماتچ وتكىزدى. سىرت الاڭدا لاتۆيا قۇراماسىمەن 1:1 ەسەبىمەن تەڭ تۇسسە، ءوز الاڭىندا اندوررا قۇراماسىن 4:0 ەسەبىمەن ۇتتى.
ستانيمير ستويلوۆ كومانداسى كەلەسى ويىنىن 15- قاراشا كۇنى «استانا ارەنا» ستاديونىندا لاتۆيامەن وتكىزەدى.
كەزدەسۋ استانا ۋاقىتىمەن 21:00 دە باستالادى.
19- قاراشا كۇنى ءبىزدىڭ فۋتبولشىلار سىرت الاڭدا گرۋزيامەن وينايدى.
ەسكە سالا كەتسەك، قىركۇيەك ايىنداعى رەيتينگتە ناميبيا مەن زيمبابۆە قازاقستاننىڭ الدىنا شىعىپ كەتكەن بولاتىن.