الماتى وبلىسىندا جۇزگە جۋىق ءىرى قارا مال ورتتەن قىرىلدى

استانا. قازاقپارات - الماتى وبلىسىندا مال ۇستايتىن بازا ورتەنىپ، جۇزگە جۋىق مال جانىپ كەتتى، دەپ حابارلايدى قازاقپارات ق ر ءى ءى م توتەنشە جاعدايلار كوميتەتىنە سىلتەمە جاساپ.

«25 -قازان كۇنى 15:00-دە ورتكە قارسى قىزمەت پۋلتىنە الماتى وبلىسى ەڭبەكشى قازاق اۋدانى قورام اۋىلى ماڭىنداعى مال ۇستايتىن بازانىڭ ورتەنگەنى تۋرالى اقپارات كەلىپ ءتۇستى. ءورتتى سوندىرۋگە جەكە قۇرامنىڭ 9 قىزمەتكەرى جانە وبلىستىق ت ج دەپارتامەنتىنىڭ 2 تەحنيكاسى جۇمىلدىرىلدى»، - دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ.

ءورت 16:05-تە اۋىزدىقتالدى جانە 17:31-دە تولىق ءسوندىرىلدى. جالىن شارپىعان اۋماق 840 شارشى مەتردى قۇرادى.

«سونىڭ سالدارىنان شامامەن 100-گە جۋىق ءىرى قارا مال قىرىلىپ، 160 توننا ءشوپ ورتەنىپ كەتتى»، - دەلىنگەن رەسمي حابارلامادا.