ەلىمىزدە ءار ءتورتىنشى ادام سوتتىڭ كومەگىنە جۇگىنەدى

پەتروپاۆل. قازاقپارات - ەلىمىزدە ءار ءتورتىنشى ادام سوتتىڭ كومەگىنە جۇگىنەدى.

سۋديالاردىڭ ايتۋىنشا، سولتۇستىك قازاقستان وبلىسىندا باسقا وڭىرلەرمەن سالىستىرعاندا «داۋكەستىك» دەڭگەيى جوعارى.

جىلدىڭ توعىز ايى ىشىندە وبلىستىق سوتتا 9530 ازاماتتىق ءىس قارالعان، دەپ حابارلايدى قازاقپارات.

سوتتا قارالعان ازاماتتىق ىستەردىڭ 902 سى ەكى جاقتىڭ مامىلەگە كەلۋىمەن توقتاتىلدى. مەملەكەتكە قايتارىلعان باج سالىعىنىڭ مولشەرى 62514556 تەڭگە. بۇل وتكەن جىلمەن سالىستىرعاندا 45 پايىزعا ارتىق.

«تەك ازاماتتىق ىستەر بويىنشا داۋعا كەمىندە 2 ادام قاتىساتىنىن ەسكەرسەك، سوتتاسۋشى ادامدار سانى حالىقتىڭ 9,6 پايىزىن قۇراپ وتىر. ستاتيستيكالىق مالىمەتتەرگە ساي، ءورشىپ تۇرعان داۋلاردىڭ كوپشىلىگى وتباسىلىق داۋلار. ونىڭ ىشىندە نەكە بۇزۋ، بالاسىن، اتا-اناسىن، جۇبايىن اسىراۋ ءۇشىن اليمەنت ءوندىرىپ الۋ داۋلارى. ەلىمىزدە ءاربىر ءۇشىنشى وتباسىنىڭ شاڭىراعى شايقالىپ، نەكە بۇزىلۋدا» - دەيدى ق ر جوعارعى سوت ءتوراعاسىنىڭ كەڭەسشىسى ساعاتبەك سۇلەيمەن.

اجىراسۋدىڭ زاردابىن ەڭ الدىمەن بالالارى تارتاتىنى بەلگىلى. ورتا ەسەپپەن ءار وتباسىندا ەكى بالا دەپ الساق، ءبىر جىلدا ءجۇز مىڭنان استام بالا «ءتىرى جەتىمدەردىڭ» قاتارىن تولىقتىرۋدا. سولتۇستىك قازاقستان وبلىسىندا بىلتىر 2176، ال بيىل جارتى جىلدىڭ ىشىندە 1039 وتباسىنىڭ نەكەسى بۇزىلعان.

«سوت ءار داۋ بويىنشا تاراپتاردى تاتۋلاستىرۋعا مىندەتتى. تاتۋلاستىرۋ ماسەلەسىنىڭ ءۇش ءتۇرى بار. ولاردىڭ ارتىقشىلىقتارى كوپ، ۋاقىت پەن قاراجاتتى ۇنەمدەيدى، تاراپتارعا داۋدى ءوزارا شەشۋگە مۇمكىندىك بەرەدى»، - دەيدى س ق و سوتتىڭ ازاماتتىق ىستەر جونىندەگى سوت القاسىنىڭ ءتوراعاسى ايدار سماعۇلوۆ.

اراز ازاماتتاردى مامىلەگە كەلتىرۋ ءۇشىن بۇگىندە وبلىس سوتتارىندا 22 مەدياتسيا كابينەتى اشىلعان. اۋدانداردا 300-دەن استام كاسىبي ەمەس مەدياتورلار، وبلىس ورتالىعىندا 32 كاسىبي مەدياتور جۇمىس ىستەيدى.

 

اقەركە قابىكەيەۆا