قاراعاندى وبلىسىندا تاماقتان جاپپاي ۋلانۋ بولعاننان كەيىن قىلمىستىق ءىس قوزعالدى

قاراعاندى. قازاقپارات - قاراعاندى وبلىسىندا دونەرلەردەن جاپپاي ۋلانۋ فاكتىسى بويىنشا قىلمىستىق ءىس قوزعالدى، دەپ حابارلايدى «قازاقپارات» ح ا ا ءتىلشىسى.

ايماقتىق ءى ءى د بايانداپ بەرگەندەي، اتالعان فاكتى بويىنشا ق ر ق ك 304-بابىنىڭ 1-بولىمىمەن («ابايسىزدا ادامداردىڭ جاپپاي اۋىرۋى نەمەسە ۋلانۋىنا اكەلىپ سوقتىرعان سانيتارلىق ەرەجەلەر مەن گيگيەنالىق نورماتيۆتەردى بۇزۋ») قىلمىستىق ءىس قوزعالدى.

ەسكە سالا كەتەيىك، 22-24 -قازان كۇندەرى ارالىعىندا اباي قالاسىندا 12 ادام مەديتسينالىق كومەككە جۇگىنگەن، سونىڭ ىشىندە 8 ادام (اراسىندا ءبىر بالا) اۋرۋحاناعا جاتقىزىلدى.

قاراعاندى وبلىسى دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسانىڭ ايتۋىنشا، بۇگىندە اۋىر جاعدايدا جاتقان ناۋقاستار جوق، ءبارىنىڭ جاعدايى قاناعاتتانارلىق. ولارعا ءتيىستى مەديتسينالىق كومەك كورسەتىلۋدە.

ايتا كەتەيىك، بۇعان دەيىن اباي قالاسىندا 12 ادام ۋلانىپ قالعانى تۋرالى حابارلاعان بولاتىنبىز.