ناتو باسشىسى ا ق ش- تىڭ زىمىران تۋرالى كەلىسىمنەن شىعۋ نيەتىن قولدادى

استانا. قازاقپارات - ناتو باس حاتشىسى يەنس ستولتەنبەرگ ا ق ش- تىڭ رەسەيمەن جاساسقان ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىمنەن شىعۋ شەشىمىن قولدايتىنىن مالىمدەدى.

 بۇل تۋرالى ول ناتو- نىڭ Trident Juncture 2018 دەپ اتالاتىن اسكەري جاتتىعۋى باستالار الدىندا ايتتى.

ستولتەنبەرگ ۆاشينگتوندى كەلىسىمنەن شىعۋعا ماجبۇرلەدى دەپ ماسكەۋدى ايىپتادى. ونىڭ سوزىنشە، ۆاشينگتون كەلىسىمدى تولىق ساقتاپ وتىر، الايدا، رەسەي ونى بۇزا بەرەتىن بولسا، ودان پايدا بولمايدى. ستولتەنبەرگ ناتو ماسكەۋدىڭ قانداي ءىس- قيمىل جاسايتىنىنا قاراماستان ەۋروپاداعى يادرولىق ارسەنالىن ۇلعايتپايتىنىن ايتتى.

ناتو- نىڭ سوڭعى 12 جىلداعى وتكىزبەك ەڭ ءىرى اسكەري جاتتىعۋىنا اليانسقا مۇشە ەلدەردەن 50 مىڭعا تارتا اسكەر قاتىسادى. ستولتەنبەرگ ناتو جانجالداسۋعا بەيىل ەمەسىن، ءبىراق ءوز وداقتاستارىن كەز- كەلگەن قاۋىپ- قاتەردەن قورعاۋعا دايىن ەكەنىن ايتادى.

ا ق ش پرەزيدەنتى دونالد ترامپ بۇعان دەيىن ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىمنەن شىعاتىنىن مالىمدەگەن. ول كەلىسىمنەن شىعۋعا رەسەيدىڭ كەلىسىم شارتتارىن بۇزىپ وتىرعانى سەبەپ ەكەنىن ايتقان. ترامپتىڭ ۇلتتىق قاۋىپسىزدىك بويىنشا كەڭەسشىسى دجون بولتون 23 - قازاندا ماسكەۋدە بۇل ماسەلە بويىنشا كەلىسسوز وتكىزگەن.

كرەمل جاڭا كەلىسىم تۋرالى كەلىسسوز باستاماي جاتىپ بۇرىنعى كەلىسىمنەن باس تارتۋدىڭ «وتە قاۋىپتى» ەكەنىن مالىمدەگەن.