ۇلىقپان جولداسوۆ قىزىنىڭ تورەعاليمەن ءان ايتۋىنا تىيىم سالدى

 استانا. قازاقپارات - اتىشۋلى تورەعالي تورەالى ەندى فاريدا جولداسبەكوۆامەن دە دۋەت ورىندامايتىن بولدى.

«قىدىرىپ قايتايىق» دەگەن ءاندى ورىندايتىن قوس ءانشى ەندى بىرگە ءان ايتپايدى. بۇل جايىندا كوپشىلىككە ۇلىقپان جولداسوۆ ءوزى ءمالىم ەتتى دەپ حابارلايدى «ريەۆيۋ» باعدارلاماسىنا سىلتەمە جاساعان NUR. KZ.

ۇلىقپان جولداسوۆ قىزىنىڭ نەلىكتەن تورەعاليمەن ءان ورىنداۋىنا قارسى ەكەنىن اشىپ ايتپادى.

«ءبىز تورەعاليمەن بىرگە جۇرە المايمىز. ولار دا بىزبەن جۇرە المايدى. ول ءان سۇرانىستا. ءبىراق باسقا ادامدارمەن ورىندايتىن شىعار. تورەعالي دا «اللونى» ءارتۇرلى انشىلەرمەن ورىنداپ ءجۇر عوي»، - دەدى جولداسوۆ.

ايتا كەتەيىك، وسىعان دەيىن دە تورەعالي تورەالى مەن ەركە ەسماحاننىڭ «اللو» ءانى ءۇشىن ەكى تاراپ اراسىندا داۋ تۋىنداعان بولاتىن. تورەعاليدىڭ اكەسى ەركەنى تانىمال ەتكەنىن مالىمدەگەن ەدى.

ۇلى دالا بالاسى ءمولدىر اۋەلبەكوۆامەن دە «سەن بولماساڭ» ءانىن ورىنداعان. الايدا قازاق كونسەرتتەگى شاراعا قاتىسپاعان تورەعاليعا التىنبەك قورازبايەۆ رەنجىپ، ءمولدىردىڭ ونىمەن ءان ورىنداۋىنا قارسىلىق بىلدىرگەن.

ەستەرىڭىز سالا كەتەيىك، تورەعالي تورەالى ۇشاق بورتىندا شۋ شىعارىپ، حالىقارالىق باعىتتاعى ۇشاقتىڭ ءوز ۋاقىتىنان 18 مينۋتقا كەشىگۋىنە سەبەپكەر بولعان.

سونداي-اق ءانشى بيىل «ۇلى دالا كومەدياسى» فيلمىن جارىققا شىعاردى.