ءومىردى جاقسى جاققا وزگەرتۋگە ءۇش قادام

 استانا. قازاقپارات - ءومىردى جاقسى جاققا وزگەرتۋ ءۇشىن جاڭا دۇنيە ويلاپ شىعارۋ مىندەت ەمەس.

تەك قاراپايىم زاتتاردان بەلگىلەردى بايقاپ، پوزيتيۆكە دەن قويۋ كەرەك.

1. بەلگىلەرگە نازار اۋدارىڭىز

نە نارسەگە شاعىم ايتىپ ءجۇرسىز؟ اقشا جەتپەي مە؟ فيزيكالىق كۇيىڭىزگە كوڭىلىڭىز تولماي ما؟ دوستارىڭىز سەنىمسىز بە؟ اقشا جەتپەسە قوسىمشا جۇمىس ىزدەڭىز. دەنە ءبىتىمىڭىز ۇناماسا جۇگىرىڭىز. دوستارىڭىز رەنجىتسە قارىم- قاتىناستى توقتاتىڭىز. ءوز- وزىنە كوڭىلى تولماۋ سيمپتومدارى توزاڭنان تەز ءورشيدى. سول سەبەپتى كوڭىلىڭىز تولماي جۇرگەن دۇنيەگە نازار اۋدارىپ، قارەكەت جاساڭىز.

2. باسىمدىقتى ايقىنداڭىز

بارلىق ويىڭىزدى «مەن» دەگەن سوزدەن باستاڭىز. وسى ەسىمدىكتى ءجيى قولدانعاندا كۇشتىرەك بولا تۇسەتىنىڭىزدى ەسكە الىڭىز. ءبىراق ءوزىڭىزدى ەگويست ساناماڭىز. «مەنىڭ قولىمنان كەلەدى»، «مەن جاساي الامىن» دەگەن سوزدەردى ءجيى قولدانىڭىز. بۇل ءوزىڭىزدى باقىلاي الاتىنىڭىزدى بىلدىرەدى. ءوزىڭىز ءۇشىن ءاردايىم ءبىرىنشى ورىندا ءوزىڭىز عانا تۇرۋىڭىز كەرەك.

3. ءوز ومىرىڭىزگە تولىقتاي جاۋاپكەرشىلىك الىڭىز

جولىڭىزدا قيىندىقتار كەزدەسىپ جاتسا بۇعان ەشكىمدى كىنالاماڭىز. ءوز ءومىرىڭىزدى ءوزىڭىز عانا باسقاراسىز. سوندىقتان ەرەسەك ادام رەتىندە ءار ءىسىڭىز بەن ءار جوسپارىڭىزعا جاۋاپكەرشىلىك الىپ ۇيرەنىڭىز. وزىڭىزگە ادال ءارى ءادىل بولىڭىز. تۇيسىگىڭىزگە قۇلاق ءتۇرىڭىز. سەزىمىڭىز الدامايدى.

 

دەرەككوز: سەگودنيا