سارى كيۆي قاتەرلى ىسىكتىڭ الدىن الادى

 استانا. قازاقپارات - جاپون عالىمدارى قۇرامىندا اعزانىڭ قارتايۋىن باسەڭدەتەتىن، قىشقىلدانۋ پروتسەسىن باياۋلاتاتىن حيميالىق زاتتارى (انتيوكسيدانت) كوپ جەمىستى ىزدەگەن.

 اعزاعا انتيوكسيدانتتار نە ءۇشىن كەرەك دەسەڭىز، بۇل زات اعزانى ەمى جوق اۋرۋلاردان ساقتايدى.

سونداي اۋرۋلاردىڭ العاشقى بەلگىلەرى تۋماۋىن قامتاماسىز ەتەدى. قان تامىرلارىنىڭ ءتۇيىن ءتارىزدى شوعىرلانىپ قالۋىنان (اتەروسكلەروز)، جۇرەك اۋرۋلارىنان، السگەيمەر جانە پاركينسون اۋرۋلارىنان جانە قاتەرلى ىسىكتەن قورعايدى.

 زەرتتەۋدىڭ ناتيجەسىندە قۇرامىندا انتيوكسيدانتتارى كوپ جەمىس رەتىندە سارى كيۆي تاڭدالعان. سارى كيۆي اپەلسين، گرەيپفرۋت، ماندارين جانە المانى جولدا قالدىرىپ، جوعارىدا اتالعان تالاپتاردى تولىق ورىنداي الادى ەكەن. ءبىز داستارقاننان كورىپ جۇرگەن جاسىل كيۆي دە سارى «تۋىستارىنان» كەم ەمەس.

ءبىر كۇندە سارى كيۆيدىڭ 3 ءتۇيىرىن عانا جەسەڭىز، اعزاڭىزدى داۋاسى جوق دەرتتەردەن قورعاپ جۇرەدى. ءبىر قىزىعى، انتيوكسيدانت كيۆيدىڭ جۇمساعىنان گورى قابىعىندا 3 ەسە كوپ. سول سەبەپتى، بۇل جەمىستى بلەندەردە ەزىپ جەگەندە اعزاڭىز دارۋمەنگە باييدى.