جەزتىرناق پەن جالماۋىز كەمپىر تۋرالى وتاندىق فيلم پروكاتقا شىعادى

 استانا. قازاقپارات - وسى جىلدىڭ 31 - قازانىندا وتاندىق «Qarakoz» قورقىنىشتى فيلمى پروكاتقا شىعادى، دەپ حابارلايدى قازاقپارات ءتىلشىسى «Meloman Entertainment» كومپانياسىنىڭ باسپا ءسوز قىزمەتىنە سىلتەمە جاساپ.

اتالمىش فيلمدە باستى رولدەردى بيبىگۇل اقتان، ءالي وقاپوۆ، رومان جۋكوۆ، داريا الەكساندروۆا، سالتانات ناۋرىز، ايدوس رىسحان، ۆلاديسلاۆ بۋكاتكين، الديار بايراكيموۆ پەن ازامات ءابدىلدينوۆ سومدايدى. رەجيسسەرلەر سيدەرەنكو مەن ياكوبچۋكتىڭ تۋىندىسى قازاقتىڭ ەسكى اڭىز- ءاپسانالارىنداعى كەيىپكەرلەرگە ارنالعان.

«فيلم جەلىسىندە قازاق اڭىزدارىنداعى ۇرەيلى كەيىپكەرلەر «تىرىلەدى» . ولار تۋرالى اڭىزدار ايتىلىپ كەلەدى دە، وقيعا بۇگىنگى كۇنگە اۋىسادى. تۋىندىعا قازاق اڭىزدارىنداعى جەزتىرناق پەن جالماۋىز كەمپىر، سونداي- اق قاپشاعاي تاس جولىنداعى ەلەستەر ارقاۋ بولادى» دەلىنگەن حابارلامادا.

فيلمنىڭ پروديۋسەرى - ي. ماحمۇتوۆ. اتالمىش قورقىنىشتى فيلم ەلىمىزدىڭ كينوتەاترلارىندا 31 - قازاندا كورسەتىلە باستايدى.