الماتىدا ەر ادام ءوزىن پىشاقتاپ تاستادى

 استانا. قازاقپارات - الماتىدا ەر ازامات قارىزىن قايتارماۋ ءۇشىن ءوزىن پىشاقتاپ تاستاعان. بۇل تۋرالى الماتى قالاسى سوتىنىڭ باسپا ءسوز قىزمەتى حابارلادى.

الماتى قالاسىنىڭ تۇركسىب اۋداندىق سوتىندا ق ر قىلمىستىق كودەكسىنىڭ 419 - بابىنىڭ 2 - تارماعى (قىلمىس تۋرالى جالعان اقپارات بەرۋ) بويىنشا ب. ەسىمدى تۇرعىنعا قاتىستى قىلمىستىق ءىس قارالعان.

سوتتالۋشى ازامات جابىرلەنۋشىلەرگە قارىزىن قايتارماۋ ءۇشىن وتىرىك ايتقان.

«2018 -جىلى 29 - ناۋرىز كۇنى ساعات 12:00 شاماسىندا ب. ەسىمدى ازامات سوكولسكي كوشەسى، 69 ۇيدە ورنالاسقان مونشادا پىشاقپەن ءوز باسىن بىرنەشە رەت ءتىلىپ، سول جاق يىعىن پىشاقپەن جاراقاتتاعان. وسىلايشا، تۇرعىن ءوزىنىڭ قىلمىستىق نيەتىن جۇزەگە اسىرعان. كەيىن ول ۇيىنە كەلىپ، بىرگە تۇراتىن ك. ەسىمدى ازاماتشاعا «دۇكەننەن قايتىپ كەلە جاتقاندا ەكى بەيتانىس جىگىت پىشاقپەن جاراقاتتادى» دەپ ايتقان» ، - دەلىنگەن حابارلامادا.

وسىدان كەيىن ك. جەدەل جاردەم شاقىرىپ، ب. ەسىمدى ازامات №4 قالالىق كلينيكالىق اۋرۋحاناسىنا جەتكىزىلىپتى. وندا پوليتسيا قىزمەتكەرلەرى تۇرعىنعا قىلمىس تۋرالى جالعان اقپارات بەرىلسە، ونىڭ قىلمىستىق جاۋاپكەرشىلىككە تارتىلاتىنىن ەسكەرتكەن.

سوت وتىرىسىندا ب. وزىنە تاعىلعان ايىپتى تولىق مويىندادى.

ول ق ر قىلمىستىق كودەكسىنىڭ 419 - بابىنىڭ 2 - تارماعى بويىنشا (قىلمىس تۋرالى جالعان اقپارات بەرۋ) كىنالى دەپ تانىلىپ، 1 جىل 6 اي مەرزىمگە باس بوستاندىعىنان ايىرىلدى.

ۇكىم زاڭدى كۇشىنە ەندى.

Baq.kz