بەيجىڭدەگى قايىرىمدىلىق جارمەڭكەسىنە قازاقستان قاتىستى

 استانا. قازاقپارات - «شەكسىز سۇيىسپەنشىلىك». قىتاي استاناسىندا وسىنداي اتاۋمەن جىل سايىن قايىرىمدىلىق جارمەڭكەسى وتكىزىلەدى. وعان بەيجىڭدەگى شەت ەلدىڭ ەلشىلىكتەرى، حالىقارالىق ۇيىمداردىڭ وكىلدەرى قاتىسادى.

 ارينە، قىتايداعى قازاقستان ەلشىلىگى دە قايىرىمدىلىق شاراسىنا بەلسەندى قاتىسۋشىلاردىڭ ءبىرى. 70 مەملەكەتتىڭ ەلشىلىكتەرى ۇلتتىق تاعامدارى، قولونەر بۇيىمدارى تاعى دا باسقا جىلى- جۇمساقتارىن ساۋداعا شىعاردى.

 قازاقستان پاۆيلونىنا ادەتتەگىدەي كەلىپ- كەتۋشىلەر وتە كوپ. ولار نەگىزىنەن قازى، باۋىرساق، قىمىز سياقتى تاعامداردى قىزىعا الىپ جاتتى. بيىل جارمەڭكەدەن جينالاعان اقشا گۇيجوۋ پروۆينسياسىنداعى تۋاءبىتتى ساڭىراۋ بالالارعا بەرىلمەك.

«شەكسىز سۇيىسپەنشىلىك» حالىقارالىق قايىرىمدىلىق شاراسى 2009 - جىلدان بەرى قىتاي سىرتقى ىستەر مينيسترلىگىنىڭ ۇيىمداستىرۋىمەن وتكىزىلىپ كەلەدى.

 ليۋ جين، بەيجىڭ قالاسىنىڭ تۇرعىنى:

 - مەن جىل سايىن وسى جارمەڭكەگە كەلەمىن جانە قازاقستان پاۆيلونىنان سوقپاي كەتپەيمىن. مۇندا بارلىعى ءدامدى ءارى جوعارى تالعاممەن جاسالعان زاتتاردى الۋعا بولادى. وسى جولى كادەسىيلىقتار الىپ، قايىرىمدىلىققا ءوز ۇلەسىمدى قوسقىم كەلدى.

 دينارا ءىلبىلسىنوۆا، جارمەڭكەگە قاتىسۋشى:

 - ءبىزدىڭ ونىمدەرىمىزگە تەك ۇلكەندەر عانا ەمەس، ءبىزدىڭ بالالارىمىز دا ۇلەسىن قوسىپ وتىر. وتە ماڭىزدى دەپ ويلايمىن. ويتكەنى بالالاردىڭ قايىرىمدىلىققا جانە جاڭاشىلدىققا وسىنداي ۇلكەن ۇلەس قوسىپ وتىرعانىنا.

www.24.kz