اۋدان اكىمىنىڭ ورىنباسارىن باسىنان اتقان ەكى كۇدىكتى ۇستالدى
بۇل تۋرالى وبلىستىق ءى ءى د باسپا ءسوز قىزمەتىنىڭ جەتەكشىسى سالتانات قاراكوزوۆا ءمالىم ەتتى، دەپ حابارلايدى قازاقپارات ءتىلشىسى.
ايتا كەتەيىك، كەشە تولەبي اۋدانى اكىمىنىڭ ورىنباسارى رابيعا بەيسەبايەۆاعا بەلگىسىز بىرەۋلەر شابۋىل جاساپ، ولتىرۋگە ارەكەتتەنگەن. تۇسكى ءۇزىلىس كەزىندە قىزمەتتىك كولىگىمەن ۇيىنە كەلگەن ساتتە ءۇش تۇلعا وعان قاراي بىرنەشە رەت وق اتقان. ايەل ەڭكەيىپ، كولىگىنىڭ ەسىگىن قۇلىپتاپ ۇلگەرىپتى. وسى كەزدە شۋدى ەستىگەن كورشىلەر جينالىپ، الگىلەر قاشىپ كەتكەن.
وسىلايشا اۋدان اكىمىنىڭ ورىنباسارى امان قالدى. ول تەز ارادا اۋرۋحاناعا جەتكىزىلدى. تۋىستارى بولسا بۇل الدىن الا جوسپارلانعان شابۋىل دەپ بولجاپ وتىر. ءوڭىردىڭ ءتارتىپ ساقشىلارى بۇگىن وسى قىلمىسقا قاتىسى بار دەگەن ەكى كۇدىكتىنى ۇستادى.
«بۇگىن تولەبي اۋدانى اكىمىنىڭ ورىنباسارىنا جاسالعان شابۋىلعا قاتىسى بار دەگەن ەكى كۇدىكتى ۇستالدى. تولەبي اۋداندىق ءى ءى ب قىزمەتكەرلەرىمەن كۇدىكتىلەرگە قاتىستى قىلمىستىق كودەكستىڭ «ادام ولتىرۋگە وقتالۋ» بابىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعا ورنىندا جەدەل تەرگەۋ توبى جۇمىس ىستەۋدە. وقيعانىڭ بارلىق ءمان-جايلارى انىقتالۋدا. قازىر وزگە كۇدىكتىلەردىڭ تۇلعاسىن انىقتاۋ، ولاردى قولعا ءتۇسىرۋ بويىنشا شارالار جۇرگىزىلۋدە»، - دەيدى سالتانات قاراكوزوۆا.
ەسكە سالايىق، رابيعا بەيسەبايەۆا بۇل قىزمەتتى سوڭعى سەگىزى جىلدان بەرى اتقارىپ كەلەدى.