ا ق ش- تىڭ ساۋدا ءمينيسترى ۋيلبەر روسس قازاقستانعا كەلە جاتىر
بۇل تۋرالى ق ر س ءى م- دە وتكەن باسپا ءسوز ءماسليحاتىندا ۆەدومستۆونىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستان پرەزيدەنتى نۇرسۇلتان نازاربايەۆتىڭ 2018 -جىلدىڭ قاڭتار ايىندا ا ق ش- قا رەسمي ساپارىنىڭ ناتيجەسىندە قول جەتكىزىلگەن ۋاعدالاستىقتارعا سايكەس ۇستىمىزدەگى جىلدىڭ 24-25 - قازان ارالىعىندا ا ق ش- تىڭ ساۋدا ءمينيسترى ۋيلبەر روسستىڭ قازاقستانعا ساپارى بولادى. ساپار شەڭبەرىندە قازاقستان- ا ق ش اراسىنداعى ساۋدا- ەكونوميكالىق جانە ينۆەستيتسيالىق ىنتىماقتاستىق پەرسپەكتيۆالارىن تالقىلاۋ جوسپارلانۋدا. ساپار بارىسىندا ۋيلبەر روسستىڭ مەملەكەت باسشىسى جانە ۇكىمەت مۇشەلەرىمەن كەزدەسۋى، سونداي- اق استانا جانە الماتى قالالارىندا ەكى ەلدىڭ ىسكەر توپتارى وكىلدەرىنىڭ قاتىسۋىمەن قازاقستاندىق- امەريكالىق بيزنەس- فورۋمدار ۇيىمداستىرىلادى» ، - دەيدى ايبەك سمادياروۆ.
ق ر س ءى م رەسمي وكىلىنىڭ ايتۋىنشا، ا ق ش- تىڭ ساۋدا ءمينيسترىنىڭ قازاقستانعا ساپارى ەكىجاقتى قاتىناستار تاريحىنداعى العاشقى ساپار بولىپ وتىر. بۇل ساپار ەكى ەلدىڭ اراسىنداعى ستراتەگيالىق ارىپتەستىكتى، سونىڭ ىشىندە ساۋدا جانە ەكونوميكا، ينۆەستيتسيا سالالارىن ودان ءارى دامىتۋعا ىقپال ەتەدى.
«ايتا كەتەتىن جايت، ستاتيستيكاعا سايكەس، 2017 -جىلى قازاقستاننىڭ ا ق ش- پەن ساۋدا كولەمى 1 ميلليارد 518 ميلليون ا ق ش دوللارىن قۇرادى. سونىڭ ىشىندە قازاقستاننىڭ ا ق ش- قا ەكسپورت كولەمى 354,6 ميلليون ا ق ش دوللارىن قۇراسا، ا ق ش- تىڭ قازاقستانعا يمپورت كولەمى 1 ميلليارد 164 ميلليون ا ق ش دوللارىن قۇرادى. 2018 -جىلدىڭ قاڭتار- تامىز ايلارىنىڭ ارالىعىندا ەكى ەلدىڭ اراسىنداعى ساۋدانىڭ كولەمى 1 ميلليارد 462 ميلليون ا ق ش دوللارىنا جەتتى. بۇل كورسەتكىش 2017 -جىلدىڭ ۇقساس كەزەڭىمەن سالىستىرعاندا 29 پايىزعا جوعارى» ، - دەيدى ول.
ەسكە سالا كەتەيىك، قازاقستان پرەزيدەنتى وسى جىلدىڭ 16-18 - قاڭتارىندا امەريكا قۇراما شتاتتارىنا رەسمي ساپارمەن بارعان بولاتىن. وندا نۇرسۇلتان نازاربايەۆ ا ق ش پرەزيدەنتى دونالد ترامپپەن كەزدەسكەن ەدى. سونداي- اق ا ق ش- تىڭ رەسمي جانە ىسكەر توپتار وكىلدەرىمەن كەزدەسۋ وتكىزدى. ناتيجەسىندە قۇنى 7 ميلليارد تەڭگەنى قۇرايتىن 20 دان استام كەلىسىمگە قول قويىلدى.
