تاڭەرتەڭگىلىك مەزگىلدەگى بەتتىك ىسىنۋلەردەن قالاي قۇتىلعان ءجون

 استانا. قازاقپارات - ەرتەڭگىسىن بەت نەشە ءتۇرلى سەبەپپەن ءىسۋى مۇمكىن، كەيبىر جاعدايدا تۇتىنعان تاعامدارىڭىز دا بۇعان اسەر ەتىپ جاتادى.

تاڭەرتەڭگىلىك بەت- الپەتتىڭ ىسىنۋىنە نە سەبەپ؟

كەشكى اسقا جارامايتىن تاعام

تاڭەرتەڭ بەتىڭىزدىڭ ىسۋىنە كەشكى استا جەگەن ءبىر قوراپ كارتوپ چيپسىلەرى سەبەپ بولۋى مۇمكىن. جارامايتىن تاعامدار ساناتىنا باسقا كەيبىر تۇزدى جانە بۇرىشتى زاتتار جاتادى، سونداي- اق جارتىلاي فابريكاتتارعا قوسىلاتىن ناتريي گلۋتاماتى دا كىرەدى.

بۇل تاعام اعزاداعى سۇيىقتىقتى وزىنە ءسىڭىرىپ، ناتيجەسىندە ىسىنۋلەر پايدا بولادى. سوندىقتان دا ۇيىقتار الدىندا مۇنداي ونىمدەردى تۇتىنباعان ابزال. لاكتوزانى ناشار قورىتاتىندارعا كەشكىسىن ءسۇت ونىمدەرىن پايدالانباعان دۇرىس.

توزاڭعا تۋىنداعان اللەرگيا

ىسىنگەن بەت ايتىلعان ونىمدەردى تۇتىنۋدان ەمەس، اللەرگيادان بولۋى ابدەن مۇمكىن. ءىسىنۋ كوپ جاعدايدا تىتىركەندىرگىش زاتتارعا قارسى جاۋاپ رەتىندە بولۋى مۇمكىن. بۇعان شاڭ-توزاڭ، جانۋارلاردىڭ ءجۇنى، قىلشىعى سەبەپ بولۋى مۇمكىن. اللەرگيالىق رەاكسيانى كورپە مەن جاستىقتارداعى قوزدىرعىش قوڭىزدار دا تۋعىزۋى مۇمكىن. سول سەبەپتى اللەگياسى بار ادامدارعا اللەرگيا تۋدىرمايتىن توسەك جابدىقتارىن الۋ كەرەك.

گورمونالدى وزگەرىستەر

ايەل ادامداردا بەتتىڭ ءىسىنۋى كەيدە ەتەككىر كەزىندە بولۋى مۇمكىن. مۇنداي كەزدەرى نەسەپ ايدايتىن شايدى نەمەسە وسىنداي اسەر بەرەتىن ونىمدەردى پايدالانعان دۇرىس، ماسەلەن قويان ءشوپ.

تاڭەرتەڭگىلىك ءىسىنۋدى قيمىل-قوزعالىس تەز قالىپقا كەلتىرەدى، بۇل تىندەردە جيناقتالعان سۇيىقتىقتى شىعارىپ، زات الماسۋدى رەتتەيدى. ەرتەڭگىسىن كوزى ىسەتىندەرگە توڭازىتقىشتا ءسال ۇستاعان شاي قاسىقتى باسسا بولادى.

 

دەرەككوزى: orthodox.od.ua