تارازدا «ۇلى دالا رۋحى» فەستيۆالى ءوتىپ جاتىر
تارازداعى دوستىق ۇيىندە جەرگىلىكتى جانە قازاقستاندىق سۋرەتشىلەردىڭ، فوتوتىلشىلەردىڭ شىعارماشىلىق تۋىندىلارى، ايماقتىق ب ا ق ستەندتەرى جۇرتشىلىق نازارىنا ۇسىنىلدى.
«ءىس-شارانىڭ ماقساتى - ەلباسىنىڭ «رۋحاني جاڭعىرۋ» باعدارلامالىق ماقالاسىندا ايتىلعان مىندەتتەر اياسىندا ۇلتتىق سالت-ءداستۇر مەن قۇندىلىقتاردىڭ، اتا-بابادان قالعان شىعارماشىلىق مۇرانىڭ تانىمالدىعىن ارتتىرۋ. «ۇلى دالا رۋحى» قاتىسۋشىلارىن قىزىقتى باعدارلاما كۇتىپ تۇر. سۋرەتشى- يلليۋستراتورلاردىڭ، جەرگىلىكتى ب ا ق فوتوتىلشىلەرىنىڭ سۋرەت جانە فوتو كورمەسى قىزىقتىرماي قويمايدى. سونداي-اق، كونسەرتتىك باعدارلاما ۇيىمداستىرىلعان»، - دەيدى وبلىستىق ىشكى ساياسات باسقارماسىنىڭ باسشىسى بەرىك ءۋالي.
فەستيۆال اياسىندا تارازدىقتار ەلوردالىق سۋرەتشى اڭساعان مۇستافانىڭ شىعارماشىلىعىمەن تانىسا الادى. سونىمەن قاتار، «الاش ۇلى» تانىمال توبىنىڭ انشىلەرى كونسەرت قويادى.
