گولوۆكين مۋراتامەن جەكپە-جەككە شىعۋى مۇمكىن

None
None
استانا. قازاقپارات - گەننادي گولوۆكيننىڭ (38-1-1، 34 ك و) پروموۋتەرى توم لەففلەر مەن WBA تۇجىرىمداماسى بويىنشا «تۇراقتى» الەم چەمپيونى ريوتا مۋراتانىڭ (14-1، 11 ك و) پروموۋتەرى بوب ارۋم بوكسشىلاردىڭ جاپونيادا كەزدەسۋىن ۇيىمداستىرۋعا ءالى دە ءۇمىتتى، دەپ حابارلايدى Sports.kz.

«ەگەر مۋراتا دەمالىس كۇنى برانتتى جەڭسە، ول ءبىز ءۇشىن ءتيىمدى بولادى. مەن حوندا مىرزا (مۋراتانىڭ پروموۋتەرى) جانە Top Rank-پەن جاقسى ارالاسامىن. بۇل جەكپە-جەكتى وتكىزۋگە بولادى. گەننادي قاشاندا حالىقارالىق دەڭگەيدە ايقاسقىسى كەلەدى. GGG ۇستەل باسىنا قالاي كەلەتىنىن، مۋراتا جاپونيادا قانداي رەيتينگ جاساپ جۇرگەنىن بىلەمىز، ول وتە تانىمال بوكسشى. ەگەر دەمالىس كۇنى جەڭىسكە جەتسە، قارسىلاستار اراسىندا كوش باستاۋى مۇمكىن»، - دەدى لەففلەر.

بۇعان ارۋم دا ءوزىنىڭ پىكىرىن ءبىلدىردى.

«گولوۆكين - وتە تانىمال تۇلعا. ەگەر ول Tokyo Dome-دا مۋراتامەن جەكپە-جەككە شىقسا، بۇل ۇلكەن وقيعا بولماق. توم لەففلەر - تاماشا جىگىت، بوكستى تۇسىنەتىن جاقسى پروموۋتەر. بۇل حوندا مىرزا ەكەۋىمىزگە بايلانىستى، ءبىز تومعا ول باس تارتا المايتىن ۇسىنىس جاسايمىز»، - دەپ اتاپ ءوتتى ارۋم.

ەسكە سالا كەتەيىك، بۇعان دەيىن توم لەففلەر گولوۆكيننىڭ تيتۋلدىق جەكپە-جەگى تۋرالى ايتتى.

سوڭعى جاڭالىقتار