بالا قۇقىقتارىن قورعاۋ جونىندەگى ۋاكىل تۇركىستان وبلىسىندا بولدى
اۋدان اكىمىنەن باستاپ ءبىرقاتار مەملەكەتتىك ورگانداردىڭ باسشىلارى قاتىسقان باس قوسۋدا ۋاكىل وبلىستاعى بالا قۇقىعىن قورعاۋ باعىتىنداعى جۇمىستارعا توقتالدى، دەپ حابارلايدى قازاقپارات ءتىلشىسى.
بالا قۇقىقتارىن قورعاۋ جونىندەگى ۋاكىل ساۋلە ايتپايەۆانىڭ توراعالىعىمەن تۇركىستان قالاسىندا سەلەكتورلىق ءماجىلىس ءوتتى. جيىنعا وبلىس اكىمىنىڭ ورىنباسارى ۇلاسبەك سادىبەكوۆ، وبلىستىق باسقارما باسشىلارى مەن قىزمەتكەرلەرى، وبلىستىق پروكۋراتۋراسىنىڭ باسشىلىعى، وبلىستىق ىشكى ىستەر دەپارتامەنتىنىڭ ورىنباسارى، جەرگىلىكتى پوليتسيا قىزمەتىنىڭ يۋۆەنالدى پوليتسيا ءبولىمىنىڭ مامانى، سونداي-اق، اۋدان، قالا اكىمدەرىنىڭ ورىنباسارلارى سەلەكتورلىق رەجيمدە قاتىستى.
ماجىلىستە جالپى كامەلەتتىك جاسقا تولماعانداردىڭ وزەكتى ماسەلەلەرى مەن ولاردى شەشۋ جولدارى قاراستىرىلىپ، تالقىلاندى. جيىندا وبلىس اكىمىنىڭ ورىنباسارى ۇلاسبەك سادىبەكوۆ قازىرگى تاڭدا قوعام الدىندا تۇرعان باستى مىندەتتەردىڭ ءبىرى - بالالار مەن جاس وسپىرىمدەر اراسىنداعى قۇقىق بۇزۋشىلىقتىڭ الدىن-الۋ ەكەنىن اتاپ ءوتتى.
كامەلەتكە تولماعاندار اراسىنداعى قىلمىستىڭ وسۋىنە جول بەرمەۋ ماسەلەسىنە توقتالدى. كۇن تارتىبىندەگى ماسەلە بويىنشا وبلىستىق وتباسى، بالالار جانە جاستار ىستەرى جونىندەگى باسقارماسىنىڭ باسشىسى بالمارجان ناربەكوۆا، وبلىستىق ءى ءى د جەرگىلىكتى پوليتسيا قىزمەتىنىڭ باستىعى ءابدىعاني سەيدۋاليەۆ، وبلىستىق ءبىلىم باسقارماسىنىڭ باسشىسى يساتاي ساعىندىقوۆ بايانداما جاسادى.
ءماجىلىس سوڭىندا ساۋلە ايتپايەۆا بالا قۇقىعىن قورعاۋ ماسەلەسى ءاردايىم نازاردا بولۋ كەرەكتىگىن اتاپ ءوتىپ، بالا قۇقىعىن قورعاۋعا تىكەلەي قاتىستى مەكەمە باسشىلارىنا ءوز مىندەتتەرىنە جاۋاپكەرشىلىكپەن قاراۋدى تاپسىردى.