الەم حالقىنىڭ جارتىسىنا جۋىعى كەدەي

None
None
  استانا.قازاقپارات - الەمدە حالىقتىڭ كەدەيلىك دەڭگەيى تومەندەپ كەلەدى. دەگەنمەن، الەم حالقىنىڭ جارتىسىنا جۋىعى كۇنىنە 5,5 دوللارعا كۇنەلتەدى.

بۇل تۋرالى دۇنيەجۇزىلىك بانكتىڭ (د ب) 17 - قازان - دۇنيەجۇزىلىك كەدەيلىكپەن كۇرەس كۇنى جاريالاعان ەسەبىندە ايتىلدى.

دۇنيەجۇزىلىك بانك ەسەبىنشە، كەدەيلىكتىڭ تومەنگى شەگىندە (ءبىر ادامنىڭ كۇنىنە 1,9 دوللاردان از اقشاعا ءومىر ءسۇرۋى) ءومىر سۇرەتىندەر ۇلەسى سوڭعى جىلدارى ازايا باستاعانىمەن، دامىعان ەلدەردەگى كەدەي حالىقتىڭ ۇلەسى ارتىپ كەلەدى.

قىتايدا سوڭعى جىلدارداعى ەكونوميكالىق وسىمگە بايلانىستى شىعىس ازيا مەن تىنىق مۇحيتى ايماعى ەلدەرىندە كەدەيلىك دەڭگەيى 60 پايىزدان 35 پايىزعا دەيىن ازايعان. الايدا، دۇنيەجۇزىلىك بانك ايماقتاعى ەكونوميكالىق ءوسىم باياۋلاي باستاعاندىقتان بولاشاقتا بۇل دەڭگەيدى ۇستاپ تۇرۋ قيىنداۋى ىقتيمال ەكەنىن ايتادى.

ال كەدەيشىلىك افريكانىڭ ساحارا ايماعىنداعى ەلدەردە مىقتاپ ورنىققان. بۇل ايماقتا حالىقتىڭ 84,5 پايىزى كۇنىنە 5,5 دوللاردان از اقشاعا ءومىر سۇرەدى.

1998 -جىلى الەمدەگى حالىقتىڭ 60 پايىزى تابىسى از ەلدەردە ءومىر سۇرگەن بولسا، 2015 -جىلى بۇل كورسەتكىش توعىز پايىزعا ازايعان.

Baq.kz

سوڭعى جاڭالىقتار