گولوۆكيننىڭ ويى الۆارەستە، الۆارەستىڭ ويى مەيۆەزەردە
«كانەلومەن» تاعى كەزدەسسە قالاي بولار ەكەن؟ مانسابىن اياقتاي ما؟ وسى سەكىلدى سۇراقتار كوپشىلىك كوكەيىندە ءجۇر. GGG الماتىعا كەلگەن ساپارىندا ءبىراز سۇراققا جاۋاپ بەردى. قازاقستاندىق جاس كاسىپقوي بوكسشىلاردىڭ الەمدىك ارەنادا اتوي سالۋىنا جاعداي جاساعىسى كەلەتىنىن جەتكىزدى. مانسابىن اياقتامايتىنىن دا ايتتى. «بەلگىلى ءبىر جاسقا دەيىن عانا جۇدىرىقتاسۋعا بولادى دەگەن شەكتەۋ جوق. بوكس - ەڭ قيىن سپورت تۇرلەرىنىڭ ءبىرى. ءبىر سوققىنىڭ ءوزى بۇكىل جوسپارىڭدى كۇل- تالقان ەتۋى مۇمكىن. مۇمكىندىك بولسا، ىقىلاس بولسا جۇدىرىقتاسۋدى جالعاستىرا بەرەمىن»، - دەدى.
گەننادي گولوۆكين ساۋل الۆارەسپەن قايتا جۇدىرىقتاسقىسى كەلەدى. كيەۆتە وتكەن WBC كونۆەنتسياسى كەزىندە بۇل ۇيىمنىڭ پرەزيدەنتى ماۋريسيو سۋلەيمان قازاقستاندىق بوكسشى «كانەلومەن» قارىمتا كەزدەسۋ سۇراعانىن ايتا كەتتى. دەگەنمەن مەكسيكالىقتىڭ ءوز تاڭداۋى بارىن جاسىرعان جوق.
الۆارەستىڭ تاڭداۋى قانداي؟
قىركۇيەك ايىنىڭ ورتاسىندا لاس- ۆەگاستا گەننادي گولوۆكيندى جەڭىپ، ورتا سالماقتىڭ ۇزدىگى اتانعان مەكسيكالىق ساۋل الۆارەس كەلەسى جەكپە- جەگىن 76,2 ك گ سالماق دارەجەسىندە وتكىزەتىن بولدى. قارسىلاسى - بريتاندىق روككي فيلدينگ. ساۋل الۆارەس پەن روككي فيلدينگ اراسىنداعى جەكپە- جەك 15 - جەلتوقسان كۇنى نيۋ- يوركتەگى MSG ارەنادا وتەدى. بريتاندىق بوكسشى سۋپەر ورتا سالماق دارەجەسىندە WBA regular چەمپيوندىق بەلبەۋىنىڭ يەگەرى. 28 رەت شارشى الاڭعا شىعىپ، 27 سىندە جەڭىسكە جەتكەن. 15 قارسىلاسىن نوكاۋتپەن ۇتقان. ءبىر جەكپە- جەگىندە جەڭىلگەن. وندا دا وتانداسى كاللۋم سميتتەن ءبىرىنشى راۋندتا- اق نوكاۋت العان. جالپى سۋپەر ورتا سالماقتىڭ ەڭ ءالسىز چەمپيونى سانالادى. مەكسيكالىق بوكسشى كومانداسىنىڭ تاڭداۋى نەگە 31 جاستاعى بريتاندىق بوكسشىعا ءتۇستى؟ ونىڭ ءتۇرلى سەبەپتەرى بار. ساۋل الۆارەس جاڭا سالماقتا جۇدىرىقتاسىپ كورمەك. گولوۆكين سىندى قارسىلاستان كەيىن جەڭىلدەۋ ءبىر جەكپە- جەك وتكىزۋدى دە ءجون ساناعان بولار. ودان وزگە قارسىلاسىنىڭ عانا چەمپيوندىق اتاعى باسكە قويىلادى.
«كانەلو» كومانداسىنىڭ قۋلىعى
كاسىپقوي بوكس - تابىس ورتاسى. تابىستى ارتتىرۋ ءۇشىن ءتۇرلى قۋلىقتار جاساۋعا تۋرا كەلەدى. بالكىم بۇل قۋلىق تا بولماس. جارناما، بولماسا ءداۋىرىن دۇرىلدەتۋ بولسا كەرەك. ايتپاعىمىز الۆارەستىڭ نيۋ- يوركتە وتەتىن جەكپە- جەگى بولماق. مەكسيكالىق بوكسشى وسىعان دەيىن Madison Square Garden كەشەنىندە جەكپە- جەك وتكىزبەگەن. بۇل ارەنادا كوبىنە GGG عانا جەكپە- جەك وتكىزىپ كەلدى. ءتىپتى قازاقستاندىق بوكسشى كەزدەسۋ وتكىزەتىن بوكس الاڭى سانالىپ تا كەتكەن ەدى. ەندى كەلىپ «كانەلو» وسىندا ءوزىن ءبىر تانىتىپ كورمەك. ءوزىن نيۋ- يوركتە دە قولداۋشىلار بولعانىن قالاسا كەرەك.
ورتا سالماققا ورالا ما؟
كانەلو ورتا سالماقتان اۋىستى دەپ ايتۋعا ەرتە. قارسىلاستارىنان ەتجەڭدى كورىنەتىن بوكسشى سالماق قۋىپ ۇيرەنىپ قالعانداي. سەبەبى بوكس ماماندارى ايتىپ جۇرگەندەي، ونىڭ سالماعى جاي ۋاقىتتا 80 ك گ- نان اسىپ جىعىلادى. ءبىر جاعىنان مەكسيكالىق بوكسشىعا ەكىنشى ورتا سالماقتا تابىستى جەكپە- جەكتەر وتكىزۋگە مۇمكىندىك بار. الۆارەس ورتا سالماققا ورالسا، گولوۆكينمەن جۇدىرىقتاسۋ ءۇشىن ورالار. بالكىم دەنيەل دجەيكوبس تا وسال قارسىلاس بولماس. ال ەكىنشى ورتا سالماقتا وتانداسى حيلبەرتو راميرەس بار. بۇل جەكپە- جەكتى ۇيىمداستىرار بولسا، «كانەلونىڭ» كومانداسى قىرۋار قارجىعا كەنەلەرى حاق. كاسىپقوي بوكستا جەڭىلىپ كورمەگەن، WBO چەمپيونى دا الۆارەسپەن جۇدىرىقتاسۋعا قارسى ەمەس. دجەسسي حارتپەن وتەتىن قارىمتا كەزدەسۋدەن كەيىن دايىن ەكەنىن ايتىپ ۇلگەردى. مەيۆەزەردە كەتكەن ەسەسىن قايتارعىسى كەلەدى ساۋل الۆارەس مانسابىندا ءبىر- اق رەت جەڭىلگەن. وندا دا اناۋ- مىناۋ ەمەس، اتاقتى مەيۆەزەردەن. ەكى رەت تەڭ جۇدىرىقتاسقان. حورحە يارەس جانە گەننادي گولوۆكينمەن. «كانەلو» سپورت الەمىندەگى ەڭ باي فلويد مەيۆەزەرمەن (كىشىسى) قايتا جۇدىرىقتاسقىسى كەلەدى. سەبەبى امەريكالىق بوكسشى جۇرگەن جەردىڭ ءبارى اقشا. ءبىراق.. . ءيا ءبىراق 41 جاستاعى مەيۆەزەردىڭ بوكسقا ورالۋى قيىنداۋ. ونى «كانەلونىڭ» ءىشى دە سەزەتىندەي.. . - فلويد بوكسقا ورالىپ، مەنىمەن ەكىنشى رەت جۇدىرىقتاسۋ ءۇشىن تاۋەكەلگە بارا قويماس. ورالسا دا مەنىمەن كەزدەسۋ ءۇشىن ورالۋى مۇمكىن. ول ءۇشىن وڭاي بولماسى انىق. ءبىرىنشى جەكپە- جەكتە مەن جاس بولدىم. تاجىريبەم از ەدى. ەگەر ول جۇدىرىقتاسقىسى كەلسە، ءبارى باسقاشا بولارى ءسوزسىز. مەن دە ەسەمدى قايتارعىم كەلەدى. الەمگە كىمنىڭ مىقتى ەكەنىن كورسەتەر ەدىم، - دەيدى بوكسشى Sports Illustrated باسىلىمىنا بەرگەن سۇقباتىندا.
مەيۆەزەردىڭ ويى قانداي ەكەن؟
امەريكالىق بوكسشى تابىستى جەكپە- جەكتەردەن باس تارتقان ەمەس. جەڭىلىپ تە كورمەگەن. سوڭعى جىلدارى ەرەجەسىز جەكپە- جەك شەبەرلەرىمەن سوزگە كەلىپ قالىپ ءجۇر. ءتىپتى 2017 -جىلى كونور ماكگرەگورمەن شارشى الاڭدا جەكپە- جەك وتكىزىپ، تەحنيكالىق نوكاۋتپەن جەڭىسكە جەتتى. قىرىق جاسىندا قامال الدى. بۇل جەكپە- جەك تابىس ءۇشىن ۇيىمداستىرىلعانىن بىلسە دە، الەم نازارى اۋدى. الۆارەس كونور ەمەس. كاسىپقوي بوكستا ءتىس قاققان سپورتشى. ال مەيۆەزەردى جاقىندا تاعى ءبىر UFC جۇلدىزى جۇدىرىقتاسۋعا شاقىردى. ول - رەسەيلىك حابيب نۋرماگومەدوۆ. قانداي جەكپە- جەك بولماق؟ وكتاگون با، الدە شارشى الاڭ با؟ بەلگىسىز. فلويد مەيۆەزەر "اقشاڭدى قامداي بەر" دەپ جاۋاپ قايىردى. ءبىراق بۇل جەكپە- جەكتىڭ ءوتۋى ەكىتالاي. سەبەبى ەكەۋى ەكى ارنانىڭ (بوكس پەن كۇرەس) سپورتشىلارى. حابيب كونوردى جەڭگەنمەن، يرلانديالىق سپورتشى سەكىلدى ءوزىن جارنامالاۋ جاعىنان كەمشىن. بوكس رەسەيلىك سپورتشىعا قول ەمەس. بالكىم ءوزىن جارنامالاۋدىڭ ءبىر جولى بولسا كەرەك.. . "Money" دەگەن لاقاپ اتپەن تانىلعان مەيۆەزەر تابىستى ويلار ما ەكەن، الدە دەنساۋلىعىن ويلار ما ەكەن؟ ونى ۋاقىتى كەلگەندە كورە جاتارمىز. ءبىز ءۇشىن ماڭىزدىسى - گەنانىڭ مانسابى.
گولوۆكين نە ىستەيدى؟
WBC ۇيىمى امەريكالىق بوكسشى دجەرمالل چارلونى گەننادي گولوۆكينمەن جۇدىرىقتاسۋعا مىندەتتەدى. ەگەر GGG مىندەتتى قارسىلاسىن جەڭسە، «كانەلومەن» ءۇشىنشى رەت شارشى الاڭدا جولىعۋعا جول اشىلماق. ءبىراق بۇكىل الەمدىك بوكس كەڭەسىنىڭ بۇل جوسپارى ورىندالۋى قيىن. سەبەبى ەكى بوكسشىنىڭ كومانداسى بۇل جەكپە- جەكتى ۇيىمداستىرۋعا قۇلىقتى ەمەس. ساۋل الۆارەس تە بۇل ۇيىمنىڭ مىندەتتەرىن ورىنداي بەرمەيدى. چەمپيوندىق اتاعىنان باس تارتىپ تا كورگەن.. . WBC ۇيىمى قازىر مەكسيكالىقتىڭ دەگەنىن ورىنداي باستاعانداي.. . گەننادي گولوۆكين كەلەسى جەكپە- جەگىندە- اق چەمپيوندىق اتاققا تالاسۋى مۇمكىن. وتانداسىمىز 2019 -جىلدىڭ كوكتەمىندە شارشى الاڭعا شىعۋدى جوسپارلاۋدا. قارسىلاسى «كانەلو» بولماسا كىم بولۋى مۇمكىن؟ 20 - قازان كۇنى لاس- ۆەگاستا WBA Regular چەمپيوندىق اتاعىنا يە ريوتا مۋراتا مەن امەريكالىق روب برانت جۇدىرىقتاسادى. جاپون بوكسشىسى جەڭىسكە جەتسە، گولوۆكينمەن جەكپە- جەككە شىعۋى مۇمكىن.
- گولوۆكين - مۋراتا جەكپە- جەگى بەلگىلى ءبىر دارەجەدە قىزىقتى. توكيوعا بارۋ ءبىز ءۇشىن قىزىقتى بولۋى مۇمكىن. وندا بۇل جەكپە- جەك ESPN ارقىلى كورسەتىلەتىن شىعار. مۇندا گولوۆكين الۋى مۇمكىن بەلدىك قانا ەمەس، جەكپە- جەكتىڭ ءوزى دە قىزىقتى بولادى. كوپتەگەن ب ا ق جانە جانكۇيەرلەر گەننادي ءوز بەلدىكتەرىن قايتارۋعا ۇمتىلۋى ءتيىس دەپ ەسەپتەيدى. جۇرت قولداپ، گولوۆكين ءبارىبىر چەمپيون بولۋى ءتيىس ەكەنىن ءبىلدىردى. گەنناديدە جاقسى مۇمكىندىكتەر بار، - دەدى قازاقستاندىق بوكسشىنىڭ پروموۋتەرى توم لەففلەر LA Times باسىلىمىنا بەرگەن سۇقباتىندا. «كانەلو» شىنىمەن كەتارى ەمەس پە؟ قازاقستاندىق بوكسشىمەن بىرنەشە رەت جۇدىرىقتاسپاۋعا جول تاپقان ساۋل الۆارەس ءۇشىنشى رەت جۇدىرىقتاسۋعا قارسى ەمەس ەكەنىن سۇقباتتارىندا ايتىپ- اق ءجۇر.
- ەگەر جانكۇيەرلەر ءبىزدىڭ ءۇشىنشى رەت جۇدىرىقتاسقانىمىزدى قالاسا، ءبىز قۋانا ۇيىمداستىراتىن بولامىز. مەن ادامداردىڭ نە قالايتىنىن ورىنداعىم كەلەدى. جاقسى جەكپە- جەك كورسەتكىم كەلەدى. ەگەر كەرەگى شىنىمەن وسى جەكپە- جەك بولسا، وندا جۇدىرىقتاسامىن، - دەدى بوكسشى Sky Sports ارناسىنا. ءوز دەگەنىنە جەتكەن «كانەلو» كەزەكتى رەت گەنامەن جۇدىرىقتاسۋعا كەلىسەر مە ەكەن؟ كەتارى ەمەس سەكىلدى. الدە ءبارى جاقىنداعاندا ايتا سالار سىلتاۋى دايىن با ەكەن؟ نە دە بولسا ءالىپتىڭ ارتىن باعايىق.
Massaget.kz
