بوكسشى كانەلو ميلليارد دوللارلىق كەلىسىمشارتقا قول قويدى
بۇل تۋرالى جاڭالىقتان حابارى بار دەرەككوزىنە سىلتەمە جاساعان BoxingScene حابارلادى. الۆارەس ورتا سالماقتاعى WBA چەمپيونى روككي فيلدينگپەن نيۋ-يوركتەگى Madison Square Garden ارەناسىندا وتكىزەتىن 15 -جەلتوقسانداعى جەكپە-جەگىندە جۇدىرىقتاسادى جانە وسى جەكپە-جەك DAZN- دا تۇڭعىش رەت كورسەتىلەدى دەپ جوسپارلانىپ وتىر.
مەكسيكالىق بوكسشىنىڭ بۇل ستريمينگ سەرۆيسىمەن كەلىسىمشارتى بىرنەشە جەكپە- جەككە ەسەپتەلگەن، الايدا ناقتى سانى ازىرشە اتالعان جوق. رەكلاما 11 وسىعان دەيىن الۆارەس جەكپە- جەگى HBO تەلەارناسىندا كورسەتىلگەن ەدى، بۇل تەلەارنا 2019 -جىلى ترانسلياتسياسىن توقتاتادى.
ونىڭ سوڭعى ەكى جەكپە-جەگىندە قارسىلاسى قازاقستاندىق گەننادي گولوۆكين بولدى. 2017 -جىلدىڭ قىركۇيەگىندە بوكسشىلاردىڭ العاشقى كەزدەسۋى لاس- ۆەگاس قالاسىندا T- Mobile الاڭىندا ءوتىپ، ەكەۋى دە تەڭ تۇسكەن ەدى. ءسويتىپ اراعا ءبىر جىل سالا ءدال سول الاڭدا قازىلار القاسىنىڭ شەشىمىمەن مەكسيكالىق الۆارەس جەڭىمپاز اتاندى.
DAZN قىزمەت اعىنىنا قويىلعان ءبىر ايلىق كەلىسىمشارتتا الۆارەسكە 9,99 دوللار تولەنەتىنى انىقتالدى. ال بوكسشىنىڭ سوڭعى ون جەكپە-جەگى HBO جانە Showtime تەلەارناسىندا اقىلى ترانسلياتسيا جۇيەسى بويىنشا (PPV) 65 جانە 75 دوللار تولەنگەن.
DAZN- داعى جەكپە-جەك ءۇشىن Matchroom كومپانياسىنداعى بريتاندىق پروموۋتەر ەددي حيرن جاۋاپتى. مامىردا ول ميلليارد دوللارلىق سەگىز جىلعا سوزىلعان كەلىسىمشارتقا قول قويىپ، ول جەردە الداعى ءبىر جىل ىشىندە DAZN- عا ارناپ 32 جەكپە-جەك ۇيىمداستىرۋى كەرەك ەكەنى بەلگىلى بولدى. سونداي-اق، ەددي حيرن Matchroom-دە دەبيۋت جاساعان تۇڭعىش قازاقستاندىق وليمپيادالىق بوكسشى دانيار ەلەۋسىنوۆپەن جۇمىس ىستەيدى.
قىركۇيەكتىڭ سوڭىندا حيرن DAZN ستريمينگ سەرۆيسىنە گولوۆكيندى دە قوسىپ قويعىسى كەلەتىنىن مالىمدەگەن ەدى. ەسكە سالاي كەتەيىك، گولوۆكين HBO- دا 2012 -جىلدان بەرى شىققان.
Kaz.tengrinews.kz