نۇرلان نىعماتۋلين پارلامەنتتە ورىسشا جاۋاپ بەرگەن مينيسترگە ەسكەرتۋ جاسادى
ايتا كەتەيىك، جالپى وتىرىستا «2018-2020 -جىلدارعا ارنالعان رەسپۋبليكالىق بيۋدجەت تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.
بۇل تۇرعىدا دەپۋتات كارىباي مۇسىرمان ءبىلىم جانە عىلىم مينيسترلىگى بويىنشا قوسىمشا بولىنگەن بيۋدجەت قاراجاتىن يگەرۋ ماسەلەسىنە قاتىستى ساۋال قويعان بولاتىن.
ءوز كەزەگىندە ءبىلىم جانە عىلىم ۆيتسە- ءمينيسترى بيبىگۇل اسىلوۆا دەپۋتاتتىڭ سۇراعىنا ورىسشا جاۋاپ بەردى.
وسى ورايدا، ءماجىلىس ءتوراعاسى نۇرلان نىعماتۋلين مينيسترلىك وكىلىنە ەسكەرتۋ جاسادى.
«بيبىگۇل امانگەلدى قىزى، ءسىز بارلىق مۇعالىمدەر مەن وقۋشىلاردى 3 ايدىڭ ىشىندە اعىلشىن تىلىنە ۇيرەتىپ جاتىرمىز دەپ انىقتاما بەردىڭىز. ءبىراق ەندى مەملەكەتتىك ءتىلدى ۇيرەنەتىن ۋاقىت كەلگەن شىعار»، - دەدى پالاتا سپيكەرى ءبىلىم جانە عىلىم ۆيتسە- مينيسترىنە قاراتا ايتقان سوزىندە.
اۆتور: رۋسلان عابباسوۆ