ەلىمىزدە تەڭگەمەن دەپوزيت اشاتىندار سانى ءوستى

None
None
استانا. قازاقپارات - بيىل ۇلتتىق ۆاليۋتاداعى دەپوزيتتەردىڭ ءوسىمى 4,1 پايىزدى قۇرادى. بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا ۇلتتىق بانك ءتوراعاسى دانيار اقىشەۆ ءمالىم ەتتى، دەپ حابارلايدى قازاقپارات.

«اعىمداعى جىلدىڭ 8 ايىندا دەپوزيتتەر 1 پايىزعا، ياعني 17,7 تريلليون تەڭگەگە دەيىن ءوستى. ۇلتتىق ۆاليۋتاداعى دەپوزيتتەردىڭ ءوسىمى 4,1 پايىزدى نەمەسە 380 ميلليارد تەڭگەنى قۇرادى. شەتەل ۆاليۋتاسىنداعى دەپوزيتتەر 2,5 پايىزعا، 210 ميلليارد تەڭگەگە تومەندەدى. ناتيجەسىندە، دەپوزيتتەردىڭ دوللارلاندىرۋى 46 پايىزعا ازايدى»، - دەدى ۇلتتىق بانك ءتوراعاسى.

ونىڭ اتاپ وتۋىنشە، 1- قازاننان باستاپ جەكە تۇلعالاردىڭ دەپوزيتتەرى بويىنشا ماكسيمالدىق ستاۆكالاردىڭ انىقتاۋ ءتاسىلى وزگەردى. ستاۆكالار مەرزىم جانە سالىم ءتۇرى بويىنشا ەرەكشەلەنەدى.

ايتا كەتەيىك، جالپى وتىرىستا «2018-2020-جىلدارعا ارنالعان رەسپۋبليكالىق بيۋجەت تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ جاتىر. بيىلعى جىلى ينفلياتسيا 5-7 پايىزدىق ماقساتتى دالىزدە قالادى.

سونىمەن قاتار، جىل باسىنان بەرى ۆاليۋتا نارىعىندا تەڭگە باعامى 10,4 پايىزعا السىرەگەنى بەلگىلى بولدى.

سوڭعى جاڭالىقتار