مايۇن تاعى دا قىتايدىڭ ەڭ باي ادامى اتاندى

None
None
استانا. قازاقپارات -  Alibaba Group كومپانياسىنىڭ نەگىزىن قالاۋشى جانە باسشىسى دجەك ما سوڭعى 4 جىلدا 2 رەت قىتايدىڭ ەڭ باي ادامى اتاندى.

 مانىڭ بايلىعى 1 جىل ىشىندە 35 پايىزعا ارتىپ، 39,1 ميلليارد دوللارعا جەتىپ وتىر. ءتىزىمنىڭ ەكىنشى ساتىسىنا Evergrande Real Estate Group كومپانياسىنىڭ ديرەكتورلار كەڭىسىنىڭ باسشىسى سيۋي جياين 36,2 ميلليارد دوللارمەن جايعاسقان. بىلتىر سيۋي جياين 43 ميلليارد دوللارمەن قىتايداعى ەڭ باي ادامدارى كوشىن باستاعان ەدى. Tencent تەلەكوممۋنيكاتسيا كومپانياسى باسشىسى پوني ما 34,8 ميلليارد دوللارمەن ۇشتىككە ەنگەن. ال بىلتىر پوني ما 37 ميلليارد دوللارمەن قىتايداعى ەڭ باي ادامدار تىزىمىندە ەكىنشى ورىن العان ەدى.

ت ا س س اقپارات اگەنتتىگىنىڭ مالىمدەۋىنشە، قىتايدا بارلىعى دوللارمەن ەسەپتەگەندە 620, يۋانمەن ەسەپتەگەندە 1893 ادام ميللياردەر. ال بىلتىر دوللارمەن ەسەپتەگەندە بايلاردىڭ سانى 647 بولعان ەكەن. جالپى العاندا قالتالى ازاماتتاردىڭ سانى بىلتىرعىعا قاراعاندا 11 پايىزعا ازايعان. وعان سەبەپ قىتاي مەن امەريكا اراسىنداعى ساۋدا سوعىسى. ناتيجەسىندە جالپى تىزىمنەن 456 ادام شىعىپ كەتكەن. The New York Times باسىلىمى دجەك ما 54 جاسقا تولعان تۋعان كۇنىنەن سوڭ ءوزى نەگىزىن قالاعان Alibaba Group كومپانياسىن تارك ەتىپ، ەندى قايرىمدىلىق پەن ءبىلىم بەرۋ جوبالارى بويىنشا جۇمىس ىستەيدى دەپ مالىمدەگەن ەدى. جاقىندا Alibaba وكىلى كومپانياسىنىڭ قۇرىلعانىنا 20 جىل تولماي كەتپەيتىنى تۋرالى جازعان ەدىك. حابارلارعا قاراعاندا بولاشاقتا جەك ما ءوز ورنىن كومپانيا باس ديرەكتورى دەنيەل چجانعا بوساتىپ بەرۋى مۇمكىن.

Massaget.kz

سوڭعى جاڭالىقتار