تۇرمىستىق حيميا تەمەكىدەن دە زيان
نەلىكتەن تۇرمىستىق حيميا زيان جانە ءۇيدى قالاي تازا ۇستايمىز؟ بەرگەن ۋنيۆەرسيتەتىنىڭ عالىمدارى 6 مىڭ ادامنىڭ دەنساۋلىعىن 20 جىل بويى باقىلاعان. ولاردىڭ% 80 ى ۋاقىتىلى تازارتۋشى قۇرالدار قولدانعان: كەيبىرەۋى جاي ۇيلەرىن جيناعان، ال باسقالارى تازارتۋشى قىزمەتتە جۇمىس جاساعان. زەرتتەۋ كۇتپەگەن ناتيجە بەرگەن: تازارتۋشى قۇرالداردى جاقسى كورەتىن ادامدار تىنىس دەمىكپەسىمەن% 40 عا ءجيى اۋىرعان، ال ولاردىڭ وكپە كولەمى 3,6 م ل- گە ازايعان. كاسىبي تازالاۋشىلار جىلىنا 3,9 م ل- دەن جوعالتقان. بارلىعىنا تۇرمىستىق حيميانىڭ بولىكتەرى كىنالى - ولار ايەل وكپەسىنە جينالىپ، شىرىشتى قابىقتى تىتىركەندىرىپ، تىنىس الۋ جۇيەسىنە زيانىن كەلتىرەدى.
عالىمدار جيناۋعا ارنالعان قۇرالداردىڭ زيانىن كۇندەلىكتى تەمەكى تارتۋمەن سالىستىرعان: ونىڭ اسەرى ايەلدەر 10-20 جىل بويى كۇندە 20 تەمەكى تارتقان سەكىلدى بولعان. قاۋپى جوعارى توپقا تەمەكى تارتاتىن تازالاۋشى ايەلدەر جاتادى. سەبەبى ولارعا ەكى ەسە زيان تيەتىندىكتەن، 40 جاسقا جاقىنداعاندا تىنىس الۋ جۇيەسى توزادى. نە ىستەۋ كەرەك؟ عالىمدار تۇرمىستىق حيميا وندىرۋشىلەرىن قاپتامادا ءقاۋىپتى زاتتاردىڭ بار ەكەندىگىن كورسەتىپ قويۋعا شاقىرۋدا. ءبىراق ماركەتينگ كوزىمەن قاراعاندا ول وتە ءتيىمسىز، سوندىقتان قۇرامىن ءوزىڭىز مۇقيات تەكسەرىڭىز.
ەڭ قاۋىپتى حيميالىق قوسىلىسقا مىنالار جاتادى:
- تازارتۋشى جانە جۋۋشى قۇرال - حلور جانە حلورورگانيكالىق قوسىلىس؛
- كىر جۋاتىن ۇنتاق - فوسفات جانە فوسفونات؛
- تازارتۋشى جانە جۋۋشى قۇرال - بەتكى بەلسەندى زات (پاۆ) ؛
- ىدىس جانە كىلەم جۋۋعا ارنالعان قۇرال - فورمالدەگيد (formaldehyd, methanal, methylene oxide, oxymethylene دەپ جازىلۋى مۇمكىن) ؛
- تازارتۋشى قۇرال - تۇز قىشقىلى (hydrochloric acid) . تۇرمىستىق حيميانىڭ قۇرامىندا وسى زاتتار بولماۋ كەرەك نەمەسە وتە از مولشەردە بولۋى كەرەك. ولاردى قولدانۋ كەزىندە قاپتامادا كورسەتىلگەن مولشەردەن ارتىق قۇيماڭىز. سونىمەن قاتار، ءۇي جيناۋ كەزىندە مىندەتتى تۇردە قولىڭىزعا قولعاپ، بەتىڭىزگە ماسكا كيگەن ءجون. ءۇيدى جيناپ بولعان سوڭ، مىندەتتى تۇردە جەلدەتىپ الىڭىز.
Massaget.kz
