الماتىدا كىتاپحانا ءتۇنى شاراسى وتەدى
اتالعان شارا «رۋحاني جاڭعىرۋ» باعدارلاماسى اياسىندا ۇلتتىق ۆاليۋتامىزدىڭ 25 جىلدىعى جانە الماتى قالاسى كىتاپحاناشىلارىنىڭ كۇنىنە وراي ۇيىمداستىرىلىپ وتىر.
كىتاپحاناداعىلار بۇل ءىس- شارانىڭ بيىل ون ءۇشىنشى رەت وتكىزىلەتىندىگىن جانە جىل سايىن «ءتۇن» تاقىرىبى جاس وقىرماندارعا قىزىقتى بولۋىن قاراستىراتىندىقتارىن جەتكىزدى. ايتۋلارىنشا، بيىلعى جىلى بالالار قىزىقتى ەرتەگىلەر ەلىنە ساياحات جاسايدى.
«2018 -جىلدىڭ 12 - قازاننان 13 ىنە قاراعان ءتۇنى وقىرماندار مەن قوناقتاردى كىتاپحانا بۇرىشتارىندا قيلى وقيعالى ساياحات، توسىن سىيلار مەن قىزىقتى ولجالار كۇتىپ تۇر. ساياحاتشىلار سيقىرشىنىڭ ۇڭگىرىندە بولىپ، قازىنا ىزدەۋگە شىعادى. ىزدەۋ بارىسىندا سيقىرلى اقشالى بانككە تاپ بولادى. سوڭىندا كىتاپحانا كۆەستىندە بالالار قۇپيالى ارالدا زەرتتەۋ جۇمىستارىن جۇرگىزەدى. ماگيالى جانە سيقىرلى ەرتەگىلەرگە ساياحات باستالاردا قاتىسۋشىلار 4 كومانداعا بولىنەدى. ولار شارا سوڭىندا ءار بەكەتتىڭ بەرگەن تاپسىرمالارىنىڭ ءبارىن ورىنداپ، وزدەرىنىڭ قىزىقتى دا، كرەاتيۆتى ساياحاتتارىن اڭگىمەلەيدى» ، - دەيدى ۇيىمداستىرۋشىلار.
ەسكەرتە كەتەيىك، «كىتاپحاناداعى ءتۇن» ءىس- شاراسىنا قاتىسۋ تەك شاقىرۋ بيلەتىمەن كىرگىزىلەدى.
Baq.kz