يراك مودەلىن «ازعىندىعى» ءۇشىن ءدال كوشەنىڭ ورتاسىندا اتىپ كەتتى - كەسكىن

 استانا. قازاقپارات - يراك مودەلى جانە بلوگەر تارا فارەستى باعدادتىڭ ءدىني فاناتتارى ءولتىرىپ كەتتى.

باعداتتاعى ءدىني فاناتتتاردىڭ تانىمال مودەلدى ولتىرگەن ءساتى بەينەباقىلاۋ كامەراسىنا ءتۇسىپ قالعان.

 2015 -جىلى «باعدات ارۋ» اتاعىن جەڭىپ العان، ودان كەيىن «يراك ارۋ» بايقاۋىندا ەكىنشى ورىندى يەلەنگەن مودەلدى اق ءتۇستى Porsche كولىگىندە اتىپ كەتتى. ۆيدەودا موتوتسيكلدان تۇسكەن قىلمىسكەردىڭ كولىككە جاقىنداپ، ىشىندەگى بويجەتكەنگە وق اتقانى انىق كورىنەدى.

 

 باتىستىڭ ءومىر سالتىنا ەلىكتەگەن 22 جاستاعى مودەل ۇزاق ۋاقىت بويى راديكالدى يسلاميستەر تاراپىنان سىنعا ۇشىرادى. بويجەتكەن اجال قۇشار الدىندا بىرنەشە كۇن بۇرىن ءوزىنىڭ جانكۇيەرلەرىنە «قۇدايدىڭ اتىمەن» ولتىرىلگەن ولىمنەن قورىقاتىنىن مويىندادى.

 

تارانىڭ Instagram پاراقشاسىندا 2,8 ميلليون وقىرمان تىركەلگەن. وندا ول ەۋروپالىق كيىم كيىپ تۇسكەن سۋرەتتەرىن جاريالاپ، قولىنداعى تاتۋيروۆكاسىن كورسەتىپ ماقتانعان.

 ايتا كەتەيىك، مودەلدىڭ ءولىمى يراكتاعى العاشقى وقيعا ەمەس. وتكەن ايدا ەلدەگى تانىمال ەكى ايەلدى رافيف ءال- يازەري نەمەسە «يراكتىق باربي» دەپ تانىلعان بويجەتكەندى جانە سۇلۋلىق ورتالىعىنىڭ يەسى راشا ءال- حاساندى دا ءولتىرىپ كەتكەن بولاتىن.