بۇلان ەتىن بۇزىپ جاتقان جەرىندە انىقتالعان براكونەرلەر ۇستاتپاي كەتتى

 استانا. قازاقپارات - اقمولا وبلىسىندا بۇلاندى زاڭسىز اۋلاپ، ەتىن بۇزىپ جاتقان جەرىندە انىقتالعان ءبىر توپ براكونەر قاشىپ كەتكەن.

بۇل تۋرالى ق ر ا ش م ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جازدى، دەپ حابارلايدى قازاقپارات.

«اقمولا وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ حابارلاۋىنشا، وقيعا 2018 -جىلعى 7 قازاندا اقمولا وبلىسى بۋراباي اۋدانى اۋماعىنداعى جاسىل تەمىر جول ستانتسياسىنىڭ ماڭىندا تىركەلگەن. ءبىر توپ ادام بۇلاننىڭ ەتىن بۇزۋ بارىسىندا مەملەكەتتىك ينسپەكتوردى كورە سالا ورمانعا قاشىپ كەتكەن» دەلىنگەن حابارلامادا.

وقيعا ورنىنان مەملەكەتتىك نومىرلەرى 4327 سلا جانە 2359 سو يج ماركالى ەكى موتوتسيكل تابىلىپ، بۋراباي ا ءى ى ب جەدەل تەرگەۋ توبى شاقىرىلعان.

«بۇل اۋماق «بۋراباي» مەملەكەتتىك ۇلتتىق تابيعي پاركىنىڭ قاتاركول ورمانشىلىعىنىڭ 94 توقسان كۇزەت ايماعىنا جاتادى. اتالمىش فاكتى ق ر قىلمىستىق كودەكسىنىڭ 337-بابى، 4-تارماعى بويىنشا تىركەلدى. كەلتىرىلگەن زالالدىڭ سوماسى الدىن الا  803 1750 تەڭگە دەپ باعالانىپ وتىر» ، - دەپ حابارلايدى ساكەن دىلداحمەت.