قورقىتتىڭ دانالىق سوزدەرى ءۇش تىلدە شىعادى

None
None
 قىزىلوردا. قازاقپارات - قىزىلوردادا «قورقىتتىڭ دانالىق سوزدەرى» اتتى كىتاپ ءۇش تىلدە شىعارىلادى، دەپ حابارلايدى قازاقپارات ءتىلشىسى.

وبلىستىق ىشكى ساياسات باسقارماسىنىڭ باسشىسى تالعات ماحانوۆ مالىمدەۋىنشە، كىتاپقا ا ق ش پەن ەۋروپا ەلدەرىندەگى ارحيۆتەردەن قورقىت اتا مۇراسى تۋرالى بۇرىن ەش جەردە جاريالانباعان مالىمەتتەر ەنگىزىلمەك.

«وسى كىتاپقا قوسا قىزىلوردا وبلىسىنداعى تاريحي جانە مادەني ەسكەرتكىشتەر تەلەاتلاسى مەن ءوڭىر تاريحى تۋرالى ەلەكتروندى وقۋلىق نەمەسە جيناق ازىرلەنەدى. بۇل جوبا بويىنشا بەينەمۇراعاتتاردا ساقتالعان سىر ءوڭىرىنىڭ تاريحىنا، تاريحي- مادەني ەسكەرتكىشتەرىنە قاتىستى تۇسىرىلىمدەر، دەرەكتەر جيناقتالىپ، سونىمەن بىرگە، ايماقتىق «رۋحاني جاڭعىرۋ» ورتالىعى وبلىستا ورنالاسقان تاريحي- مادەني ەسكەرتكىشتەر مەن ورىندار، ءومىر سۇرگەن تاريحي تۇلعالار، باتىرلار مەن شايىرلار، جىراۋلار، ت. ب. تۋرالى ەل اۋزىندا جۇرگەن اڭگىمەلەر مەن اڭىزداردى جيناقتاپ، بەينەماتەريالدار ازىرلەيتىن بولادى» ، - دەدى ت. ماحانوۆ.

سوڭعى جاڭالىقتار